Жайхун илҳомлари

Эҳтиром

З.М.Бобур таваллудининг

541 йиллигига

Асрларки, ёдимизда ғазаллари,

Ҳар сатрида намоён  юрт фасллари.

Қалбимизда мангу яшар ҳар бир сўзи,

Бобур бобом битган назм-у насрлари.

Ўхшаши йўқ бир ўлкадир Ўзбекистон,

Халқи танти, оқибатли ва меҳрибон.

Тарих гувоҳ яшнаётган ул Андижон

Бобур номин баланд тутиб яшар ҳамон.

Қўшиқ бўлиб куйланмоқда асарлари,

Тилимиздан ҳеч тушмагай ғазаллари.

Ўғил-қизлар «Бобурийман!» дейишар шод,

Кўзга сурма Бобур ўтган манзиллари.

Минглаб тилга ўгирилди шоҳ асарлар,

Севиб ўқир турли миллат ва элатлар.

Халқ дилида янграйверар «Хатти Бобур»,

Илм-у ирфон йўлларига чорлайверар.

Зуҳра Аҳмедова.

БАҲОР ШАМОЛИ

Ҳар бир ишда ҳикмат бор, жон бор,

Қиёси йўқ сифат бор, сон бор.

Қорлар кетиб, томчилар тушар,

Ёш-яланглар ҳиссиёт қучар.

Созга қўшиқ, қўшиққа рақс,

Мос-да баъзан гурунгга баҳс.

Эсган ел ҳам бесабаб эмас,

Тоғдан сел ҳам тошмаса, келмас.

Бир кунлари япроқ сарғайиб

Ётган эди, бўлибди ғойиб.

Ҳар нарсага боғлиқ гап бўлар,

Гул кўкарар, қулф урар, сўлар.

Бўлмай туртки турмасдир бўрон,

Ё шунчаки ел эсмас бир он...

Амин бўлдим, қиш дамин олиб,

Келди баҳор шамоли ғолиб!

Жумабой ҲИДОЯТОВ,

“Жайхун илҳомлари” ННТ аъзоси.

Ватан ҳимоячисига

Чечаклар кўкарар этакларимда,

Баҳорга ин бўлди қорачиқларим

Бодраб кетар суқсур орзулар,

Бахтларни аллалаб ухладим.

Пешонамга қанотин сурар

Тушларимда учган лайлаклар.

Шу дам сенинг кенг манглайингни

Ўпаётир балки лайлак қор.

Балки ёмғир йўқлаган сени,

Балки музлар тафтига олган.

Биз ухлаймиз ойга бош қўйиб,

Ой сенга бош қўйганин билмай,

Чегарада тик турган Ўғлон!

Дилдора ХУДОЙБЕРГАНОВА.

ШУКРОНА ҚИЛ

Кӯзинг кӯриб, йӯлни топиб,

Юрганингга шукур қил.

Кеча ётиб, эрта турган,

Ӽар кунингга шукур қил.

Аллоҳ ноз-неъматларни,

Чексиз инъом этган, бил.

Уни қӯллаш имкониятлари,

Ӯз қӯлингда, шуни бил.

Ӽаётда сен борлигинг,

Омадингдир, бахтингдир.

Қанча гӯдак туғилиб,

Яшамаган, шуни  бил.

Ӽаётда ўз ўрнинг топ,

Шиор қил: олға  қадам.

Нолимагин  Аллоҳимдан

Хулоса  қил, шукур қил.

Дилфуза Султонова.

Болажонларга

Соғлом бўлайин, десанг,

Яхши дам ол, болажон.

Ва кучли бўлай, десанг,

Спортни сев ҳар қачон.

Нонушта қил вақтида,

Китоб билан ошна бўл.

Униб-ўсиб, барваста,

Ҳамиша фахрга тўл.

Маржона Каримбоева,

71-мактаб ўқувчиси.