Солиқ инспекцияси ходимлари томонидан коррупцияга қарши тарғибот тадбирлари ташкил этилди
Кейинги йилларда мамлакатимизда коррупцияга қарши курашиш соҳасида муҳим ташкилий-ҳуқуқий ислоҳотлар амалга оширилди. Аҳолининг ҳуқуқий онги ва ҳуқуқий маданиятини оширишга, жамиятда коррупцияга муросасиз муносабатни шакллантиришга йўналтирилган тизимли чоралар кўрилмоқда.
Маълумки, давлат бюджетининг катта қисмини солиқ тўловчиларидан тушган даромадлар ташкил этади. Бу тизим энг кўп манфаатлар кесишган, пул маблағ айланмалари ҳажми катта бўлган соҳалардан бири ҳисобланади. Соҳанинг коррупциядан холи бўлиши, шаффоф фаолият юритиши мамлакатнинг иқтисодий мустаҳкамлиги ва ривожида муҳим омил саналади.
Солиқ тушумларини, асосан тадбиркорлар тамонидан тўланган маблағлар шакллантиради. Тадбиркорлар сони ортиши ва қонуний фаолияти бюджед даромадини оширади. Яширин иқтисодий фаолият мамлакат иқтисодига жиддий зарар етказиб, мулкий табақаланиш кескинлашувига, аҳолини ижтимоий ҳимоя қилишда кўплаб муаммоларга сабаб бўлади.
Ҳар бир инсонда, айниқса, давлат ташкилотларида фаолият юритаётган ходимларда коррупцияга қарши иммунитет – “ҳалоллик вакцинаси” билан эмланган бўлиши замон талабидир. Давлат ва жамиятни коррупциядан холи қилиш мақсадида доимий равишда ташкилотлар, тадбиркорлар ва аҳоли орасида тарғибот ишлари, профилактик суҳбатлар амалга ошириляпти. Коррупцион ҳолат ҳақида хабар бериш учун ишонч телефонлари фаолияти йўлга қўйилган.
29 май куни Қорақалпоғистон Республикаси Солиқ бошқармаси шахсий хавфсизлик бўлими бош инспектори Элёр Эшназаров амударёлик тадбиркорлар билан учрашиб, профилактик суҳбат ўтказди. Мазкур тадбир давомида бошқарма ходими тадбиркорларнинг фаолияти билан яқиндан танишиш билан бирга соҳадаги солиқ тизимига доир мавжуд муаммолар ва камчиликларни ўрганди. Агар Солиқ инспекцияси ходимлари тамонидан таъмагирлик ҳолатлари кузатилса, ишонч телефонларига хабар бериши сўралди.
Шунингдек, коррупция ва бошқа қонун бузилиш ҳолатларига қарши мамлакатимизда олиб борилаётган муросасиз кураш ҳақида ва коррупцияга қарши курашиш бўйича Ўзбекистон Республикаси Қонунчилигидаги янгиликлар ҳамда мазкур ҳужжатларнинг мазмун-моҳияти тўғрисида тадбиркорларга атрофлича маълумот берилиб, махсус амалий қўлланмалар топширилди. Бу каби тарғибот-ташвиқот тадбирлари аҳолининг ҳуқуқий маданиятини оширишда муҳим омил саналади.
Шу куни Амударё тумани Солиқ инспекцияси фаоллар залида ходимлар ўртасида коррупция ва бошқа ҳуқуқбузарликларга қарши муросасиз муносабатни шакллантириш юзасидан йиғилиш бўлиб ўтди. Унда Қорақалпоғистон Республикаси Солиқ бошқармаси шахсий хавфсизлик бўлими бош инспектори Элёр Эшназаров, Амударё тумани Солиқ инспекцияси бошлиғининг биринчи ўринбосари Одилбек Аширбоев, туман прокурорининг ёрдамчиси Оғабек Юлдашев, туман Ички ишлар бўлими бошлиғининг ўринбосари Умид Ўразалиев ҳамда Солиқ инспекциясининг шахсий таркиб ходимлари иштирок этди.
Йиғилишни туман Солиқ инспекцияси бошлиғининг ўринбосари Одилбек Аширбоев очди ва йиғилганларни кун тартибидаги масалалар билан таништирди. Тадбирда сўз олганлар ҳар бир ходим фаолиятида коррупцион ҳолатларнинг олдини олиши, касбига садоқат билан хизмат қилиши, тадбиркорлар ва фуқаролар тамонидан билдириладиган ноқонуний таклифларга йўл қўймасли ва шу каби бошқа масалаларда фикр-мулоҳазаларини баён этдилар.
Таъкидланганидек, коррупцияга мойил ходим давлат ва жамият ривожига жиддий тўсиқ саналади. Коррупцион муҳитда рақобат ва ишбилармонлик ривожланмайди ҳамда меҳнат адолатли баҳоланмайди. Оқибатда эса мамалакатимизда амалга оширилаётган ислоҳотлар кутилган самарани бермайди.
Тўғри, кишилик жамияти мавжуд экан бу иллатни бутунлай таг-томири билан қуритиш имконсиздир. Аммо ҳар бир инсон коррупцияга қарши курашишни бош вазифаси деб билсагина, уни жиловлаш мумкин. Жамоатчилик назорати фаол бўлмас экан, белгиланган қонуний нормалар ҳаётимизда амалий натижа бермайди. Шундай экан, мамлакатимиз ривожи, халқимизнинг фаровон турмуши ўз қўлимизда эканлигини унутмайлик.
Ёдгорбек Аширбоев, туман Солиқ инспекцияси ходими
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
