Қашқадарёлик доялар иштирокида малака ошириш ўқув-семинарлари ўтказилди
Мамлакатимизда оналик ва болаликни муҳофаза қилиш, соғлом онадан соғлом фарзанд туғилишига эришиш, репродуктив ёшдаги аёллар саломатлигини мустаҳкамлашга қаратилган тизимли саъй-ҳаракатлар натижасида оналар ва ёш гўдаклар орасидаги ўлим ҳолатлари кескин камайиб, ҳомиладор аёллар соғлиги сезиларли даражада яхшиланмоқда. Айниқса, Президентимиз томонидан қабул қилинаётган соғлиқни сақлаш тизимига оид фармон ва қарорлар ижросини таъминлашга қаратилган, аниқ мақсадларга йўналтирилган режали ишлар янада самарали натижаларга эришиш имконини бермоқда.
Хусусан, Ўзбекистон Республикаси Президентининг 2023 йил 8 сентябрдаги “Оналар ва болалар саломатлигини муҳофаза қилишда аҳолининг репродуктив саломатлигини мустаҳкамлаш чора-тадбирлари тўғрисида”ги Қарори ҳамда 2023 йил 24-25 октябрь кунлари Қашқадарё вилоятига ташрифи давомида аҳолига сифатли тиббий ёрдам кўрсатиш, репродуктив ёшдаги аёллар, ҳомиладор аёлларга кўрсатиладиган тиббий хизмат сифатини ошириш бўйича соҳа мутахассисларига, етакчи доя-шифокорларга берган топшириқлари ижросини таъминлашга қаратилган ишлар туфайли жойлардаги оилавий поликлиникалар ва кўп тармоқли марказий поликлиникалардаги тиббиёт бригадаларининг доя ва ҳамширалари ишлари ўрганилиб, соҳа бўйича етакчи мутахассислар томонидан зарур малакавий тавсиялар берилмоқда.
Юқоридаги Президент Қарори ижросини таъминлаш, тиббий бригадалар фаолиятини ўрганиш орқали доялар ва ҳамшираларни соҳага оид янгиликлар ҳамда замонавий технологик жараёнлар билан таништириш, уларга зарур тавсиялар бериш мақсадида жойларда “Соғлом оилани шакллантириш” мавзусидаги малака ошириш ўқув-семинарлари ўтказилмоқда.
Ўзбекистон Республикаси Соғликни сақлаш вазирлигининг 2024 йил 1 июндаги махсус хатига асосан ушбу ўқув дастурида белгиланган билим ва кўникмаларни мамлакатимизнинг чекка ҳудудларида иш жараёнига татбиқ этиш мақсадида Қашқадарё вилоятидан келган тренер доялар Амударё туман Тиббиёт бирлашмаси тасарруфидаги тиббиёт бригадаларининг доя ва ҳамшираларига зарур тиббий-услубий ёрдам кўрсатишмоқда.
8 июнь куни қашқадарёлик мутахассислар Д.Кенжаева, З.Дўстмаматова, Нукусдаги 2-сонли оилавий поликлиника етакчи дояси Д.Мамутова, Қорақапоғистон Республикаси Соғликни сақлаш вазирлиги бош ҳамшираси Р.Мишеновалар Амударё туман Тиббиёт бирлашмаси ҳузуридаги кўп тармоқли поликлиникада, Тиббиёт бирлашмаси тасарруфидаги оилавий поликлиника ва оилавий шифокорлик пунктларида бўлишиб, тиббий бригадалар патронаж доялари иш фаолиятлари билан яқиндан танишдилар ҳамда зарур тавсиялар бердилар. Шунингдек, 1-сонли оилавий поликлиникада фаолият олиб борувчи тиббий бригадалар патронаж дояларининг иш жараёнлри ҳам муфассал ўрганилиб, уларга амалий-услубий ёрдамлар кўрсатилди.
Амударёлик доялар “Соғлом оилани шакллантириш” мавзусидаги малака ошириш ўқув дастури орқали ўз билим ҳамда кўникмаларини янада мустаҳкамладилар
Робия Йўлдошева
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
