Qashqadaryolik doyalar ishtirokida malaka oshirish oʻquv-seminarlari oʻtkazildi
Mamlakatimizda onalik va bolalikni muhofaza qilish, sogʻlom onadan sogʻlom farzand tugʻilishiga erishish, reproduktiv yoshdagi ayollar salomatligini mustahkamlashga qaratilgan tizimli saʼy-harakatlar natijasida onalar va yosh goʻdaklar orasidagi oʻlim holatlari keskin kamayib, homilador ayollar sogʻligi sezilarli darajada yaxshilanmoqda. Ayniqsa, Prezidentimiz tomonidan qabul qilinayotgan sogʻliqni saqlash tizimiga oid farmon va qarorlar ijrosini taʼminlashga qaratilgan, aniq maqsadlarga yoʻnaltirilgan rejali ishlar yanada samarali natijalarga erishish imkonini bermoqda.
Xususan, Oʻzbekiston Respublikasi Prezidentining 2023-yil 8-sentyabrdagi “Onalar va bolalar salomatligini muhofaza qilishda aholining reproduktiv salomatligini mustahkamlash chora-tadbirlari toʻgʻrisida”gi Qarori hamda 2023-yil 24-25-oktyabr kunlari Qashqadaryo viloyatiga tashrifi davomida aholiga sifatli tibbiy yordam koʻrsatish, reproduktiv yoshdagi ayollar, homilador ayollarga koʻrsatiladigan tibbiy xizmat sifatini oshirish boʻyicha soha mutaxassislariga, yetakchi doya-shifokorlarga bergan topshiriqlari ijrosini taʼminlashga qaratilgan ishlar tufayli joylardagi oilaviy poliklinikalar va koʻp tarmoqli markaziy poliklinikalardagi tibbiyot brigadalarining doya va hamshiralari ishlari oʻrganilib, soha boʻyicha yetakchi mutaxassislar tomonidan zarur malakaviy tavsiyalar berilmoqda.
Yuqoridagi Prezident Qarori ijrosini taʼminlash, tibbiy brigadalar faoliyatini oʻrganish orqali doyalar va hamshiralarni sohaga oid yangiliklar hamda zamonaviy texnologik jarayonlar bilan tanishtirish, ularga zarur tavsiyalar berish maqsadida joylarda “Sogʻlom oilani shakllantirish” mavzusidagi malaka oshirish oʻquv-seminarlari oʻtkazilmoqda.
Oʻzbekiston Respublikasi Sogʻlikni saqlash vazirligining 2024-yil 1-iyundagi maxsus xatiga asosan ushbu oʻquv dasturida belgilangan bilim va koʻnikmalarni mamlakatimizning chekka hududlarida ish jarayoniga tatbiq etish maqsadida Qashqadaryo viloyatidan kelgan trener doyalar Amudaryo tuman Tibbiyot birlashmasi tasarrufidagi tibbiyot brigadalarining doya va hamshiralariga zarur tibbiy-uslubiy yordam koʻrsatishmoqda.
8-iyun kuni qashqadaryolik mutaxassislar D.Kenjayeva, Z.Doʻstmamatova, Nukusdagi 2-sonli oilaviy poliklinika yetakchi doyasi D.Mamutova, Qoraqapogʻiston Respublikasi Sogʻlikni saqlash vazirligi bosh hamshirasi R.Mishenovalar Amudaryo tuman Tibbiyot birlashmasi huzuridagi koʻp tarmoqli poliklinikada, Tibbiyot birlashmasi tasarrufidagi oilaviy poliklinika va oilaviy shifokorlik punktlarida boʻlishib, tibbiy brigadalar patronaj doyalari ish faoliyatlari bilan yaqindan tanishdilar hamda zarur tavsiyalar berdilar. Shuningdek, 1-sonli oilaviy poliklinikada faoliyat olib boruvchi tibbiy brigadalar patronaj doyalarining ish jarayonlri ham mufassal oʻrganilib, ularga amaliy-uslubiy yordamlar koʻrsatildi.
Amudaryolik doyalar “Sogʻlom oilani shakllantirish” mavzusidagi malaka oshirish oʻquv dasturi orqali oʻz bilim hamda koʻnikmalarini yanada mustahkamladilar
Robiya Yoʻldosheva
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
