Ўзбекистон Республикаси Соғлиқни сақлаш вазири ўринбосари Эльмира Баситхонова иштирокида семинар ўтказилди
Мамлакатимизда тиббиёт соҳасига қаратилаётган эътибор, соҳада амалга оширилаётган изчил ислоҳотлар халқ саломатлигини мустаҳкамлаш, айниқса, оналик ва болаликни муҳофаза қилиш, оилаларда соғлом фарзанд дунёга келиши учун шароитлар яратиш имконини бермоқда. Президент Фармон ва Қарорлари ижросини таъминлашга қаратилган саъй-ҳаракатлар туфайли соҳанинг моддий-техника базаси тобора янгиланиб, халқимизга тиббий хизмат кўрсатиш даражаси йил сайин яхшиланиб бормоқда. Айниқса, она ва бола саломатлигини муҳофаза қилиш борасида амалга оширилаётган чора-тадбирлар туфайли туғруқ пайтида ва туғруқдан кейинги она ва бола ўлими кескин камайишига эришилгани келажагимиз бўлган ёш авлодни ҳар томонлама соғлом ва баркамол инсонлар қилиб тарбиялаш имконини бермоқда.
Амударё туманида ҳам она ва бола саломатлигини муҳофаза қилиш, ҳомиладор ва фертиль ёшидаги аёлларнинг тиббий маданиятини ошириш, Тиббиёт бирлашмаси ҳузуридаги кўп тармоқли марказий поликлиника, оилавий поликлиникалар ҳамда оилавий шифокорлик пунктлари мудирлари ва бош доялари, етакчи (лидер) доялар, патронаж дояларининг билим ва малакасини узлуксиз ошириб бориш мақсадида доимий равишда соҳанинг етакчи мутахассислари, олимлар, тренер-шифокорлар иштирокида маҳорат сабоқлари, семинар тренинглар ўтказилиб борилмоқда.
Жорий йилнинг 27 июнь санасида Тиббиёт бирлашмаси мажлислар залида Ўзбекистон Республикаси Соғлиқни сақлаш вазирининг ўринбосари Эльмира Иркиновна Баситхонова иштирокида бўлиб ўтган учрашувда ҳам Амударё туманида оналик ва болаликни муфофаза қилиш борасида амалга оширилаётган ишлар батафсил муҳокама этилди. Тиббиёт бирлашмаси бошлиғининг ўринбосарлари, кўп тармоқли марказий поликлиника, оилавий поликлиникалар ҳамда оилавий шифокорлик пунктлари раҳбарлари, аёллар маслаҳатхонаси мудирлари, шунингдек, акушер-гинекологлар, патронаж доялар, оилавий шифокорлар, соҳага масъул ходимлар иштирок этган мазкур учрашув давомида маҳорат дарслари ҳам ўтказилиб, ўзаро тажриба алмашув жараёнлари амалга оширилди.
Шундан сўнг, Эльмира Баситхонова раҳбарлигида Тиббиёт бирлашмасининг туғруқ бўлимлари, Тиббиёт бирлашмаси ҳузуридаги кўп тармоқли поликлиника аёллар маслаҳатхонасида мониторинг ўтказилиб, зарур маслаҳат ва тавсиялар берилди. Хусусан, аҳоли орасида тиббий маданиятни шакллантириш аҳолига сифатли ва самарали тиббий хизмат кўрсатиш, ҳар бир оилада соғлом фарзанд дунёга келишини таъминлаш, оналик ва болаликни муҳофаза қилиш, доялар томонидан оилани соғлом режалаштириш юзасидан ўзаро фикр алмашиниб, қимматли маслаҳатлар берилди.
Шунингдек, Эльмира Баситхонова Тиббиёт бирлашмасининг тажрибали акушер-гинекологлари, оилавий шифокорлар ҳамда патронаж доялар билан замонавий тиббиёт соҳасидаги ўзгаришлар, соҳага татбиқ этилаётган янгиликлар юзасидан суҳбатлашиб, уларни қизиқтирган саволларга батафсил жавоб берди.
Робия Йўлдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
