Халқ депутатлари Амударё туман Кенгашининг тегишли қарори билан Амударё туманининг чегаралари белгиланди
Маълумки, Ўзбекистон Республикаси Президенти раҳбарлигида 2023 йил 21 ноябрь куни ўтказилган видеоселектор йиғилишида ер ресурсларидан оқилона фойдаланиш, ер ҳисобини юритиш ҳамда кадастр хизматларининг сифатини яхшилаш масалалари муҳокама қилиниб, соҳа мутасаддиларига тегишли топшириқлар берилган эди. Белгиланган вазифаларни амалга ошириш мақсадида Ўзбекистон Республикаси Бош вазири томонидан ташдиқланган “Йўл харитаси” ишлаб чиқилди.
Мазкур “Йўл харитаси”нинг 8-бандига асосан, Республика аэрогеодезия маркази Қорақалпоғистон Республикаси бўлими томонидан Амударё туманининг чегараларини белгилаш бўйича чегара белгилаш тавсифи ва чегара картографик харитаси лойиҳаси тайёрланиб, Кадастр агентлигининг 2024 йил 6 апрель кунги 03/08-3320-сонли хати билан Қорақалпоғистон Республикасı Вазирлар Кенгашига туман ва шаҳар чегараларини белгилаш бўйича чегара чизиғи тавсифи ва чегара картографик харитаси лойиҳаси тақдим қилинди.
“Йўл харитаси”нинг 8- ва 9-бандлари ижросини таъминлаш мақсадида Амударё туманида тузилган маъмурий-ҳудудий бирликлар чегараларини белгилаш, ер ресурсларини хатловдан ўтказишни мувофиқлаштирувчи комиссиясининг 2024 йил 4 июндаги 05/01-03/28-сонли баёнига асосан Республика аэрогеодезия маркази Қорақалпоғистон Республикаси бўлими томонидан Амударё туманининг маъмурий-ҳудудий бирликлар чегараларини белгилаш ишларининг якуний натижаларига кўра туман чегарасига чегара тавсифномаси тайёрланди.
Бунда туманнинг чегараларини белгилаш ишларини бажарувчи Республика аэрогеодезия марказида сақланиб келаётган навбатчи хариталарга туширилган чизиғига ўзгартиришлар киритилганлиги сабабли, Амударё тумани билан Хоразм вилояти Гурлан тумани ўртасидаги чегарадош қисмида жойлашган ердан фойдаланувчиларнинг ердан фойдаланиш ҳолати ўрганиб чиқилиб, ер майдонлари алмашинуви амалга оширилди.
Бундан ташқари, Республика аэрогеодезия маркази Қорақалпоғистон Республикаси бўлими мутахассислари томонидан тайёрлаган топографик хариталар, қабул қилинган шартли белгиларга мувофиқ, космик суратлар, давлат координаталари тизимига боғланган ҳолда электрон дастур ёрдамида хариталар (1:25 000 масштабда) тайёрланиб, ортофотопланга туширилган, чегара бурилиш нуқталарини акс эттирувчи геодезик координаталар рўйхати тайёрланди ва Халқ депутатлари Амударё тумани Кенгашининг қарори билан тасдиқланди.
Шоҳзод Қурбонбоев
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
