“А1TECH" IT академиясининг Амударё тумани филиали ўз фаолиятини бошлади
Бугунги кунда мамлакатимизда давлатимиз раҳбари ташаббуси билан ахборот-коммуникация технологиялари соҳасини ривожлантиришни янги босқичга олиб чиқиш борасида тизимли ишлар қилинмоқда. IT соҳасини ривожлантириш ва давлат бошқарувини рақамлаштириш мақсадида ҳудудларда IT-хизматларини ривожлантириш учун қўшимча шароитлар яратилмоқда.
Президент ташаббуси билан IT компанияларининг ҳудудлардаги бўш турган биноларга бир йил муддатга бепул жойлаштирилиши, иқтидорли дастурчиларга бир йил ичида бўлиб тўлаш шарти билан компьютер ва техникалар берилиши, 50дан ортиқ IT мутахассисини ишли қилган компанияларнинг бир йил давомидаги иш ҳақи харажатининг 15 фоизгача қисми қоплаб берилиши ахборот технологиялари соҳасини ривожлантиришнинг давлат сиёсатидаги устувор йўналишларидан бири эканлигини кўрсатади.
Бу борада Амударё туманида ҳам қатор амалий ишлар қилинмоқда. Ахборот-коммуникация технологияларини ривожлантириш, соҳага қизиқувчи ёшларни қўллаб-қувватлаш, уларнинг қизиқишлари ва қобилиятларини юзага чиқариш ишларига жорий йилнинг 4 июнь санасидан иш бошлаган “А1TECH” IT академияси Амударё тумани филиали жамоаси ҳам муносиб ҳисса қўшишни ният қилишган.
Бугунги кунда муассасанинг туман филиалида 30 нафардан ортиқ ёшлар IT соҳаси бўйича чуқур билим ва кўникмаларга эга бўлмоқдалар. Ёшларга “Java” дастурлаш тили, “Android” операцион тизими, дастурлаш интерфейси ва ички тузилиши ҳамда компьютер саводхонлиги йўналишлашлари бўйича билим берилмоқда. Ҳар бир йўналиш учун 2 тадан гуруҳ ташкил этилган бўлиб, гуруҳларга 12 нафардан ёшлар қамраб олиниши режалаштирилган.
Маълумот ўрнида айтиш жоизки, “А1TECH Group” 2009 йилда “А1TECH KIBER KOMPUTERS” МЧЖ негизида ташкил этилган. Ташкилот асосан дастурий таъминот яратиш ва уларни тасарруф этиш билан шуғулланиб келмоқда. Бундан ташқари, “А1TECH Group” ўтган йиллар давомида кўплаб веб сайтларни яратган. 2014 йилдан буён ташкилот “MUSTAFO SOFTWARE” МЧЖ номидан фаолият юритмоқда ҳамда шу қисқа вақт давомида бир қанча дастурий таъминотларни яратган ва амалиётга жорий қилган. Шунингдек, ташкилот жамоаси бизнесни рақамли ўзгартириш учун мўлжалланган ва унинг ўсиши ҳамда ривожланишига ҳисса қўшадиган IT платформаларини ишлаб чиқмоқда.
IT академиясининг туман филиалида ёш бўлишига қарамай, чуқур билим ва салоҳиятга эга бўлган дастурчилар билим бермоқдалар. Хусусан, “MUSTAFO SOFTWARE” МЧЖ раҳбари Санъатбек Машарипов Муҳаммад ал-Хоразмий номидаги Тошкент ахборот технологиялари университети Урганч филиали “Дастурий инжиниринг” кафедраси мудири бўлиб, ўтган йиллар давомида кўплаб соҳаларнинг иш жараёнларини автоматлаштириш ва янги стартап лойиҳаларни ишлаб чиқиш билан шуғулланиб келмоқда.
Жумладан, кафе ва ресторанларнинг иш жараёнларни осонлаштирувчи “A1Kafe”, улгуржи савдо билан шуғулланувчи ташкилотлар ва уларнинг савдо агентлари иш жараёнларини енгиллаштирувчи “А1DEALER”, касалхона ва клиникалар учун “Hospital management system”, маҳсулотларни бўлиб тўлаш шарти билан ишловчи дўконлар учун дастурий таъминотларни ишлаб чиққан. Ҳозирги кунда сунъий интеллект тизимлари йўналишида ҳам илмий изланишлар олиб бормоқда.
Ахборот-коммуникация технологиялари соҳасига қизиқувчи, шу йўналишда билим олишни хоҳловчи ёшларни "А1TECH" IT академиясининг Амударё туман филиалига ўқишга таклиф этамиз.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
