Халқ депутатлари Амударё туман Кенгашининг 76-сессияси тўғрисида ахборот
2024 йил 19 июль куни Амударё тумани ҳокимлигининг мажлислар залида халқ депутатлари туман Кенгашининг 76-сессияси бўлиб ўтди.
Сессияда депутатлар, туман ҳоким ўринбосарлари, ҳокимлик масъул ходимлари, бўлимлар, ташкилотлар раҳбарлари ҳамда оммавий ахборот воситалари вакиллари иштирок этди.
Сессияни Кенгаш раисининг ўринбосари Ғуломжон Ешниёзов очди ва олиб борди. Сессия котиблигига 9-Амир Темур сайлов округидан депутат Ойбек Юсупов сайланди.
Сессия кун тартибидаги дастлабки масала юзасидан туман ички ишлар бўлими бошлиғининг ўринбосари Шарап Жолдасбаев ҳисобот берди. Ҳисоботда қайд этилганидек, 2024 йилнинг биринчи ярмида туман бўйича умумий жиноятчилик ўтган йилнинг шу даври билан солиштирганда 79дан 96га, ёки 21,5 фоизга, жиноят-қидирув йўналишида эса 61дан 64га, ёки 4,9 фоизга ошган. Ҳисоботда туман ҳудудида жиноятчилик ва ҳуқуқбузарликларнинг олдини олиш ҳамда уларнинг профилактикасини ташкил этиш бўйича амалга оширилаётган ва келгусида бажарилиши режалаштирилган ишлар ҳақида батафсил маълумотлар берилди.
Кун тартибидаги навбатдаги масала юзасидан Ўзбекистон маҳаллалари уюшмасининг Амударё тумани бўлими бошлиғи Алишер Юлдашев ҳисобот берди. Ҳисоботда “Маҳалла еттилиги”нинг фаолиятини янада жонлантириш, аҳоли бандлигини таъминлаш, тадбиркорликни ривожлантириш, ҳудудларда аҳоли учун муносиб ижтимоий инфратузилмани яратиш, миллий қадриятлар, урф-одатлар ва анъаналарни тарғиб қилиш, маҳаллаларда соғлом ижтимоий-маънавий муҳитни сақлаш борасида амалга оширилаётган ишлар ҳақида батафсил маълумотлар берилди.
Сессияда Ўзбекистон Республикаси Президентининг Амударё туманидаги Халқ қабулхонаси мудири Анвар Оразбаев ахборот берди. Ахборотда депутатларга тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича келиб тушаётган мурожаатларни таҳлил қилган ҳолда, ҳоким ёрдамчилари фаолиятининг натижадорлигини ўрганиш якунлари ҳақида маълумот берилди. Шунингдек, Халқ қабулхонаси томонидан секторлар, давлат органлари ва бошқа ташкилотларнинг уйма-уй юриш, мурожаатлар билан ишлаш, ижтимоий ва бошқа объектларда аниқланган муаммоларни ҳал қилиш борасидаги фаолиятини тизимли ўрганиш, кўриб чиқилиши мажбурий бўлган тақдимномалар киритиш, секторлар фаолиятини баҳолашда иштирок этиш бўйича 2024 йилнинг иккинчи чораги давомида амалга оширилган ишлар таҳлил қилинди.
Сессия кун тартибидаги сўнгги масала юзасидан Давлат кадастрлари палатаси туман филиали бошлиғи Шерзод Султанов ҳисобот берди ва Ўзбекистон Республикаси Президентининг 2023 йил 28 июль кунги фармонида келтирилган талабларга жавоб берадиган ҳамда солиқ органларидан қарздорлиги бўлмаган, белгиланган бир марталик йиғимни тўлаган жами 410 нафар фуқароларга тегишли бўлган ер участкаларига ижара ҳуқуқи ҳамда бино ва иншоотларга мулк ҳуқуқини эътироф этиш бўйича таклиф киритди.
Ҳисоботлар ва ахборотлар тингланиб, депутатларнинг барча масалалар бўйича фикр ва мулоҳазалари инобатга олинган ҳолда фаол муҳокамалардан кейин кун тартибидаги барча масалалар бўйича халқ депутатлари Амударё туман Кенгашининг тегишли қарорлари қабул қилинди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
