Фавқулодда вазиятлар вазири кубоги мусобақалари ўтказилди
Президентимиз Шавкат Мирзиёев мамлакатимиз мустақиллигининг 33 йиллигига бағишланган тантанали байрам тадбирида “Бугун бутун дунёда ҳар бир давлатни ўйлантириб турган ягона нарса бу тинчликдир”, – дея таъкидлаган эдилар. Дарҳақиқат, тинчликни сақлаш учун ҳар бир давлат қуролли кучларини мустаҳкамлаши муҳимдир. Президентимиз ўз нутқида бу ҳақида алоҳида тўхталиб, “Қуролли Кучларимизни замонавий қурол-яроғ ва техника билан таъминлаш, уларнинг жанговар ва маънавий салоҳиятини оширишга бундан буён ҳам улкан эътибор қаратамиз. Лекин тинчликни сақлаш фақат ҳарбийларимизнинг иши бўлиб қолмаслиги керак. Бу барчамизнинг, ҳар бир Ўзбекистон фуқаросининг муқаддас бурчи бўлиши шарт. Юртнинг кучи – бирликда, қадри эса тинчликдадир!” – деган даъватлари ҳар бир юртдошимизни Ватан тақдирига нисбатан дахлдор бўлишга чақирдилар.
Шу мақсадда “Юртнинг кучи – бирликда, қадри эса тинчликдадир!” – деган шиор остида Амударё туманининг 2-сектори ҳудудида истиқомат қилувчи уюшмаган ёшлар ўртасида 24 сентябрь куни туман Фавқулодда вазиятлар бўлими томонидан Фавқулодда вазиятлар вазири кубоги мусобақалари ўтказилди. Ушбу мусобақа ҳам ёшларимизни ватанпарварликка чорлаб, уларни юрт тақдирига дахлдор бўлишга даъват қилгани билан аҳамиятли бўлди.
2-сектор ҳудудидаги 8та маҳаллаларда истиқомат қилувчи оталиққа олинган ишсиз, меҳнат миграциясидан қайтган, уюшмаган ёшлардан иборат жамоалар олимпия спорт турлари бўйича ғолиблик учун қизғин баҳслар олиб бордилар.
Мусобақалар асосий тўртта шарт бўйича ўтказилиб, жамоалар иштироки ҳакамлар томонидан одиллик ва шаффофлик тамойилларига мувофиқ кузатиб борилди.
Якуний натижаларга кўра, 3-ўринни Манғит шаҳрининг Фаровон маҳалласи жамоаси аъзолари, 2-ўринни эса Қорамон маҳалласи спортчилари эгалладилар. Мусобақада фахрли 1-ўрин Хизр эли ёшлари жамоасига насиб этди. Ғолибликни қўлга киритган Хизр эли маҳалласи ёшлар жамоаси Фавқулодда вазиятлар Вазири кубоги мусобақаларининг Қорақалпоғистон Республикаси босқичида иштирок этиш ҳуқуқини қўлга киритдилир.
Равшан Баҳромов.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
