Туман Тиббиёт бирлашмасида ЎзХДПнинг сайловолди ташвиқот тадбири ўтказилди
Шу кунларда сайловолди тарғибот тадбирлари қизғин паллага кирмоқда. Ўзбекистон Халқ демократик партиясининг Қорақалпоғистон Республикаси фаоллари, бошланғич партия ташкилотлари, волонтёрлик гуруҳлари ҳам фаол тарғибот тадбирларини олиб бормоқда. Амударё тумани Тиббиёт бирлашмасида бўлиб ўтган мулоқотда партиянинг янги Сайловолди дастури, номзодлар сайловчиларга таништирилди.
Таъкидланганидек, мамлакатни ҳар томонлама тараққий эттириш, халқ фаровонлигига эришиш, давлат бошқаруви самарадорлигини оширишда сайловлар фундаментал аҳамият касб этади. Ўзбекистон Халқ демократик партияси узоқ йиллик тажрибага эга бўлиб, юртимизда ўтказилган барча сайловларда муваффақиятли иштирок этиб келган.
Кучли жамиятни ривожлантириш, ҳуқуқлар ва имкониятлар тенглигини таъминлашдек умуминсоний ғояларга таянгани учун партия ғоялари ҳар доим долзарб бўлиб келмоқда.
Самимий мулоқот тарзида ўтган учрашувда партиянинг Сайловолди дастуридаги энг муҳим йўналиш, халқ манфаатлари нуқтаи-назаридан ишлаб чиқилган ғоя ва таклифлар йиғилганларга тушунтириб берилди. Дастурда давлат ва жамиятни ривожлантириш, ҳуқуқлар ва имкониятлар тенглигини таъминлаш, кучли ижтимоий сиёсат юритишга қаратилган 15 қадамни ўзида мужассам этган 100 га яқин таклиф ва ташаббуслар илгари сурилмоқда. Табиийки, партия бош мақсадидан келиб чиққан ҳолда доимгидек, ижтимоий йўналишга, ижтимоий соҳадаги муаммолар ечимига асосий урғуни берган.
Масалан, собиқ жамоа хўжалиги ва ширкат хўжалигида меҳнат фаолиятини юритган фуқароларнинг меҳнат фаолиятлари даврларини тўлиқ йил сифатида инобатга олиш ҳақидаги ташаббуслар ижтимоий тенглик тамойилларига тўла мос келади.
Шунингдек, мулоқотда фуқаро коммунал хизматлардан асоссиз ёки таъминотчининг айби билан узилган тақдирда таъминотчи томонидан фуқарога компенсация тўлаш тизимини жорий этиш, маҳаллий Кенгашлардаги партия гуруҳлари аҳолини арзон электр энергияси, иссиқлик ва иссиқ сув тизими билан таъминлаш бўйича ҳудудий инвестиция дастурларини, жумладан, жойларда давлат-хусусий шериклик тартибида дастурларни амалга ошириш бўйича таклифлар киритишини йўлга қўйиш борасидаги партиянинг ташаббуслари кўпчиликка манзур бўлди.
Учрашувда партиядан Ўзбекистон Республикаси Олий Мажлиси Қонунчилик палатаси, Қорақалпоғистон Республикаси Жўқорғи Кенгеси ва Халқ депутатлари Амударё туман кенгаши депутатлигига номзодлар ҳам сўзга чиқиб, сайловолди дастури ҳақида батафсил маълумотлар бердлар ва сайловчиларни қизиқтирган саволларга партиянинг ғоя ва мақсадларидан келиб чиқиб жавоблар бердилар.
Мақсуд Саъдуллаев, ЎзХДП туман Кенгаши раиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
