Tuman Tibbiyot birlashmasida OʻzXDPning saylovoldi tashviqot tadbiri oʻtkazildi
Shu kunlarda saylovoldi targʻibot tadbirlari qizgʻin pallaga kirmoqda. Oʻzbekiston Xalq demokratik partiyasining Qoraqalpogʻiston Respublikasi faollari, boshlangʻich partiya tashkilotlari, volontyorlik guruhlari ham faol targʻibot tadbirlarini olib bormoqda. Amudaryo tumani Tibbiyot birlashmasida boʻlib oʻtgan muloqotda partiyaning yangi Saylovoldi dasturi, nomzodlar saylovchilarga tanishtirildi.
Taʼkidlanganidek, mamlakatni har tomonlama taraqqiy ettirish, xalq farovonligiga erishish, davlat boshqaruvi samaradorligini oshirishda saylovlar fundamental ahamiyat kasb etadi. Oʻzbekiston Xalq demokratik partiyasi uzoq yillik tajribaga ega boʻlib, yurtimizda oʻtkazilgan barcha saylovlarda muvaffaqiyatli ishtirok etib kelgan.
Kuchli jamiyatni rivojlantirish, huquqlar va imkoniyatlar tengligini taʼminlashdek umuminsoniy gʻoyalarga tayangani uchun partiya gʻoyalari har doim dolzarb boʻlib kelmoqda.
Samimiy muloqot tarzida oʻtgan uchrashuvda partiyaning Saylovoldi dasturidagi eng muhim yoʻnalish, xalq manfaatlari nuqtai-nazaridan ishlab chiqilgan gʻoya va takliflar yigʻilganlarga tushuntirib berildi. Dasturda davlat va jamiyatni rivojlantirish, huquqlar va imkoniyatlar tengligini taʼminlash, kuchli ijtimoiy siyosat yuritishga qaratilgan 15 qadamni oʻzida mujassam etgan 100 ga yaqin taklif va tashabbuslar ilgari surilmoqda. Tabiiyki, partiya bosh maqsadidan kelib chiqqan holda doimgidek, ijtimoiy yoʻnalishga, ijtimoiy sohadagi muammolar yechimiga asosiy urgʻuni bergan.
Masalan, sobiq jamoa xoʻjaligi va shirkat xoʻjaligida mehnat faoliyatini yuritgan fuqarolarning mehnat faoliyatlari davrlarini toʻliq yil sifatida inobatga olish haqidagi tashabbuslar ijtimoiy tenglik tamoyillariga toʻla mos keladi.
Shuningdek, muloqotda fuqaro kommunal xizmatlardan asossiz yoki taʼminotchining aybi bilan uzilgan taqdirda taʼminotchi tomonidan fuqaroga kompensatsiya toʻlash tizimini joriy etish, mahalliy Kengashlardagi partiya guruhlari aholini arzon elektr energiyasi, issiqlik va issiq suv tizimi bilan taʼminlash boʻyicha hududiy investitsiya dasturlarini, jumladan, joylarda davlat-xususiy sheriklik tartibida dasturlarni amalga oshirish boʻyicha takliflar kiritishini yoʻlga qoʻyish borasidagi partiyaning tashabbuslari koʻpchilikka manzur boʻldi.
Uchrashuvda partiyadan Oʻzbekiston Respublikasi Oliy Majlisi Qonunchilik palatasi, Qoraqalpogʻiston Respublikasi Joʻqorgʻi Kengesi va Xalq deputatlari Amudaryo tuman kengashi deputatligiga nomzodlar ham soʻzga chiqib, saylovoldi dasturi haqida batafsil maʼlumotlar berdlar va saylovchilarni qiziqtirgan savollarga partiyaning gʻoya va maqsadlaridan kelib chiqib javoblar berdilar.
Maqsud Saʼdullayev, OʻzXDP tuman Kengashi raisi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
