Халқ депутатлари Амударё туман Кенгашининг 81-сессияси тўғрисида ахборот
2024 йил 16 октябр куни Амударё тумани ҳокимлигининг мажлислар залида Халқ депутатлари туман Кенгашининг 81-сессияси бўлиб ўтди. Сессияда депутатлар, тегишли ташкилотлар раҳбарлари ҳамда оммавий ахборот воситалари вакиллари иштирок этди.
Сессияни Кенгаш раисининг ўринбосари Ғуломжон Эшниёзов очди ва олиб борди. Сессия котиблигига 10-Тош ёп сайлов округидан депутат Илҳом Полвонов сайланди.
Кун тартибидаги биринчи масала бўйича Ўзбекистон Республикаси Президентининг Амударё туманидаги Халқ қабулхонаси мудири Анвар Оразбаев сўзга чиқиб, Халқ қабулхонаси, секторлар ва ҳудуддаги ташкилотлар раҳбарларининг аҳоли мурожаатлари ва муаммолари билан ишлашиш ҳолати ҳамда ҳудудлардаги ҳоким ёрдамчиларининг фаолияти юзасидан ахборотлар берди.
Таъкидланганидек, Ўзбекистон Республикаси Президентининг Виртуал ва Халқ қабулхоналари орқали 2024 йилнинг учинчи чораги давомида туман аҳолиси томонидан жами 3 минг 627та масалалар бўйича мурожаатлар келиб тушган. Шундан 3 минг 589та мурожаатлар кўриб чиқилган бўлиб, 2 минг 649таси қаноатлантирилган, 1 минг 403таси мурожаатчилар фойдасига ижобий ҳал қилинган. Мурожаатларнинг 2 минг 626таси тумандаги давлат органлари, идора ва ташкилотлар томонидан, қолганлари эса Қорақалпоғистон Республикаси, вилоятлар ва Тошкент шаҳри ҳамда Республиканинг бошқа туман ва шаҳарларидаги давлат органлари, вазирлик ва бошқармалар томонидан ўрганиб чиқилган.
Ўтган 9 ой давомида ҳоким ёрдамчилари томонидан оилавий тадбиркорликни ривожлантириш дастурлари доирасида 3 минг 672 нафар фуқарога 52,8 млрд. сўм миқдорида имтиёзли кредитлар ажратилган. Ҳисобот даврида 184 нафар фуқарога жами 1,76 млрд. сўмлик субсидия ажратилган. 819 нафар шахс касб-ҳунар ва тадбиркорликка ўқитилиб, 3 минг 726 нафар шахснинг бандлиги таъминланган. Жумладан, 2 минг 235 нафар фуқаро доимий иш билан таъминланган бўлса, 1 минг 495 нафари ўзини-ўзи банд қилган.
Сессия кун тартибидаги навбатдаги масала юзасидан Амударё тумани Ички ишлар бўлими бошлиғи Мухамметали Хожамуротов ҳисобот берди. Ҳисоботда қайд қилинганидек, туман ҳудудида жамоат хавфсизлигини таъминлаш, ҳуқуқбузарлик ва жиноятларнинг барвақт олдини олиш мақсадида “Профилактика куни” тадбирлари давомида 146 та жиноятлар мухокама қилинган, 38 минг 76та хонадон ўрганилиб, ҳуқуқбузарлик содир этиш ёки ундан жабрланиш эҳтимоли юқори бўлган 1 минг 572 нафар шахслар билан ижтимоий профилактик тадбирларни амалга ошириш бўйича “Маҳалла еттиликлари”га хулосалар тақдим этилган. Маҳалла фаоллари томонидан 1 минг 218 нафар ижтимоий профилактика объекти бўлган шахсларнинг муаммоларини ижобий ҳал этиш чоралари кўрилиб, 1 минг 239 нафар шахслар профилактик ҳисобга олинган. 6 минг 679 нафар шахсларга ҳуқуқбузарлик содир қилганлиги учун маъмурий чоралар кўрилган. Ҳисобот даврида ичкиликга ружу қўйган 96 нафар шахс ва 1 минг 78 нафар руҳий касаллар мажбурий даволашга ётқизилган ҳамда босим ва зўравонликка учраган 243 нафар хотин-қизларга ҳимоя ордерлари берилган.
Кун тартибидаги барча масалалар бўйича фаол муҳокамалардан кейин Халқ депутатлари туман Кенгашининг тегишли қарорлари қабул қилинди.
Сессиядан кейин туман ҳокими Собир Хўжаметов масъуллар билан биргаликда 5 йил давомида Амударё таманининг ижтимоий-иқтисодий ривожланишига қўшган ҳиссаси, туман миқёсида ўтказилган тадбирларда фаол иштироки, аҳолининг ижтимоий ҳимояга муҳтож қатламларини ҳар томонлама қўллаб-қувватлаш, уларнинг муаммоларини ҳал қилиш борасидаги фаоллиги ҳамда ҳомийлик ишлари билан бошқаларга намуна бўлгани учун халқ депутатлари Амударё туман Кенгашининг барча депутатларига туман ҳокимлигининг ташаккурномаси ва эсдалик совғаларини топширди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
