Бизнинг давлатимизда ҳеч ким эътибордан четда қолмайди
13 декабрь куни Президентимиз раҳбарлигида ижтимоий ҳимоя соҳасидаги ишлар самарадорлиги ва 2025 йил учун устувор вазифалар муҳокамасига бағишланган видеоселектор йиғилиши бўлиб ўтди.
Йиғилишда жорий йилда 102 ижтимоий хизмат маҳалла даражасига туширилганлиги, ногиронлиги бўлган шахслар учун енгилликлар яратилаётганлиги, ижтимоий хизмат ходимлари томонидан 95 минг муҳтож одамларга ёрдам кўрсатилганлиги, 51 минг кишига ногиронлик белгиланиб, уларнинг 26 минги протез ускуналари билан таъминланганлиги, 5 минг ногиронлиги бўлган болаларнинг боғча-мактабларга жойлаштирилганлиги, давлатимизда ҳеч бир инсон давлат ҳимоясида эканлиги алоҳида таъкидланди.
Бу соҳада жойлардаги 14 минг раҳбарлар 75 минг камбағал оилаларга бириктирилиб, улар билан индивидуал ишлаш тизими йўлга қўйилганлиги яхши самара берган, лекин айрим туманларда бу ишлар ўз ҳолига ташлаб қўйилган.
Жорий йилда ҳар бир ҳокимга намунавий кўча ташкил қилиш ва ногиронлиги бўлган шахслар учун қулай шароит ҳозирлаш вазифаси топширилган эди, бу вазифа 2025 йилда ҳам алоҳида назоратга олиниши ва яна бир намунавий кўча ташкил қилиш ҳокимлар зиммасига юклатилди.
Янги йилда 1 миллион 200 минг аҳоли камбағалликдан чиқарилиши, уларнинг яшаш шароитларини яхшилаш учун барча имкониятларни сарфлаш, Тойлоқ ва Косонсой тажрибаларини ўрганиш ва жорий қилиш таъкидланди. Оилавий боғчалар сони кўпайтирилади ва улардаги 15 фоиз ўринлар камбағал оила фарзандлари учун ажратилади ва боғча тўловлари қисман қоплаб берилади. 118 минг ёшлар чет тили, IT ва касб-ҳунарга ўқитилади.
Одамлар баъзан соатлаб давлат идораларида навбат кутишади, битта ижтимоий ёрдам олиш учун ўнлаб ҳужжатларни йиғишади. Уларнинг оғирини енгил қилиш мақсадида “ижтимоий карта” жорий қилиниб, у билан транспортда бепул юриш, газ, электр ва ўқиш харажатлари учун компенсация олиш мумкин бўлади, нафақа ва ёрдам пуллари ҳам шу картага туширилади. Бу тизим келаси йилнинг 1 июлигача Тошкент шаҳри ва Янгийўл туманида синовдан ўтказилади. Янги йилдан реабилитация хизматлари йўлга қўйилади, хизмат турлари ва имкониятлари кенгайтирилади. Корея ва Япониядан экспертлар жалб қилиниб, кадрларнинг малакалари оширилади. Ногиронлиги бўлган шахсларни соғломлаштириш ишларига алоҳида эътибор қаратилади. Ногиронлиги бўлган шахсларни иш билан таъминлаган тадбиркорларга турли имтиёзлар берилади.
Давлатимиз ҳар бир фуқаронинг ҳаётий эҳтиёжлари учун қайғуради ва уларнинг фаровон ҳаёт кечиришлари учун ҳаракат қилади. Атрофимизда яшаётган имконияти чекланган матонатли инсонларнинг ҳолидан хабар олиш, уларнинг тўлақонли инсонлар каби ҳаёт кечиришларига кўмаклашиш ҳар биримизнинг бурчимиздир.
Санобар Хўжамуротова, 32-Қиличбой сайлов округидан Қорақалпоғистон Республикаси Жўқорғи Кенгеси депутати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
