Адлия бўлими кўмагида болага туғилганлик гувоҳномаси расмийлаштирилди
Баъзан тегишли ҳужжатлар бўлмаганлиги сабабли болага туғилганлик гувоҳномаси ўз вақтида олинмайди. Оқибатда унинг ҳуқуқий мақоми ва келажакдаги имкониятларига салбий таъсир кўрсатиши мумкин.
Фуқаро Камолова Санобар Ойбек қизи ҳам фарзандининг туғилганлиги ҳақида тиббий маълумотномага, шунингдек, ўз шахсини тасдиқловчи ҳужжатга эга бўлмаганлиги сабабли 2016 йил 11 август куни туғилган Камолов Алибек Азамат ўғлига гувоҳнома ололмай келаётган эди.
Мазкур масала бўйича Амударё тумани Адлия бўлими ва Фуқаролик ишлари бўйича туман суди ҳамкорлигида зарур ҳуқуқий чоралар кўрилди. Натижада Хоразм вилояти Урганч туманида туғилган Камолов Алибек Азамат ўғли учун 2025 йил 14 февраль куни Амударё тумани ФҲДЁ бўлими томонидан туғилганлик тўғрисидаги гувоҳнома расмийлаштирилди.
Бу жараён Вазирлар Маҳкамасининг 2023 йил 20 октябрдаги 550-сон қарори 3-иловаси 19-бандига мувофиқ амалга оширилди. Мазкур ҳужжатда “16 ёшдан ошган, тиббий муассасадан ташқарида ва тиббий ёрдамсиз туғилган болага нисбатан тиббиёт муассасаси томонидан туғилганлик ҳақидаги маълумотнома расмийлаштирилмаган шахсларнинг туғилганлигини қайд этиш ауднинг ҳал қилув қарори асосида амалга оширилади” деб белгиланган.
Кўрилган чора-тадбирлар натижасида Алибекнинг ҳуқуқлари тикланиб, унга қонуний ҳужжат тақдим этилди.
М. Эшмуродова, Амударё тумани ФҲДЁ бўлими мудираси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
