Туманда тиббиёт соҳасини ўрганиш якунлари бўйича йиғилиш ўтказилди
Бугун Янги Ўзбекистонда барча соҳаларда олиб борилаётган ислоҳотлар, қабул қилинаётган қонун ҳужжатлари ва соҳаларга жорий этилаётган янгича ёндашувлардан асосий мақсад халқни рози қилиш, инсонларнинг ўз ҳаётидан мамнун ҳолда яшашларига замин яратишдир. Бу борада олиб борилаётган ислоҳотларнинг амалдаги натижаси, қабул қилинаётган қонун ҳужжатларининг ижроси устидан эса доимий назорат ўрнатилган.
Яқинда Амударё тумани Прокуратураси томонидан Ўзбекистон Республикасининг “Фуқаролар соғлиғини сақлаш тўғрисида”ги Қонуни ҳамда соҳага доир бошқа қонун ҳужжатлари ижроси бўйича туман Тиббиёт бирлашмасида ўрганиш ишлари олиб борилган эди. Текширувлар натижалари туман Тиббиёт бирлашмаси фаолияти талаб даражасида йўлга қўйилмаганлигини ва баъзи ҳолларда аҳоли саломатлигини таъминлаш тадбирлари ўз ҳолига ташлаб қўйилганлигини кўрсатди.
Хусусан, аҳолининг умумий касалланиш даражаси ўрганилганда, 2023 йилда турли хил касалликлар юзасидан амалга оширилган мурожаатлар 47 минг 426 тани ташкил қилган бўлса, ўтган 2024 йилда бу кўрсаткич 50 минг 279 тани ташкил қилиб, 8 фоизга ошган.
Аҳолининг репродуктив саломатлигини сақлашдаги нуқсонлар, оналар ва болалар тиббий кўриги ва даволаш тадбирлари ўз вақтида сифатли ва тизимли ташкил этилмаганлиги оқибатида 2024 йилда 74 нафар чақалоқлар ўлими содир бўлиб, бу кўрсаткич ҳам ўтган 2023 йилга нисбатан 7 фоизга кўпайган.
24 март куни туман Маданият бўлими биносида туман Прокуратураси томонидан Ўзбекистон Республикасининг “Фуқаролар соғлиғини сақлаш тўғрисида”ги Қонуни, соҳага доир бошқа қонун ҳужжатлари ижросини таъминлаш борасида амалга оширилаётган ишлар ҳолати ҳамда юқорида қайд этилган камчиликларни бартараф этиш масалаларига бағишланган йиғилиш бўлиб ўтди.
Йиғилишда туман прокурори Баҳром Машарипов, туман Тиббиёт бирлашмаси бош шифокори Фахриддин Абдуллаев, бирлашманинг бўлим бошлиқлари, оилавий поликлиникалар шифокорлари ҳамда ходимлари, ОАВ вакиллари иштирок этди.
Йиғилишда туман Тиббиёт бирлашмаси фаолиятидаги муаммо ва камчиликлар, уларни келтириб чиқарувчи омиллар, бартараф қилиш йўллари, халқимизни сифатли тиббий хизматлар билан таъминлаш масалалари хусусида сўз борди.
Шунингдек, тиббиёт соҳасида коррупцияга қарши курашиш масаласига алоҳида тўхталиб ўтилди. Таъкидланганидек, коррупция тиббий хизматлар сифатига путур етказиб, аҳолининг соғлиқни сақлаш ташкилотларига ва давлатга бўлган ишончини камайтиради.
Коррупцияга қарши курашиш учун қонунчиликни кучайтириш, тиббий ходимларнинг маоши ва ижтимоий таъминотини яхшилаш борасида амалий ишлар қилинаётгани қайд қилинди. Бу борада жамоатчилик назорати ва фуқароларнинг фаол иштироки ҳам муҳим аҳамиятга эга экани алоҳида қайд қилинди.
Йиғилишда сўзга чиққан масъуллар ушбу кўрсатмаларга амал қилган ҳолда, муаммоларни бартараф қилиш юзасидан таъсирчан чора-тадбирлар ишлаб чиқиб, аниқланган камчиликларни бартараф этиш зиммаларидаги масъулият эканини таъкидладилар.
Б.Машарипов, Амударё туман прокурори
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
