Амударё туманида фермер хўжаликларининг даромадини ошириш бўйича амалий семинар ўтказилди
Сўнгги йилларда мамлакатимизда фермер хўжаликларининг экин ерларидан самарали фойдаланиши, қишлоқ хўжалигида гектарига ҳосилдорликни икки баравар ошириш, замонавий илм-фан ва янги технологиялар ёрдамида даромадларни кўпайтириш бўйича тизимли ишлар амалга оширилмоқда.
Шу мақсадда, Ўзбекистон Фермерлар Кенгаши ташаббуси билан тузилган ишчи гуруҳ 2025 йил ҳосили учун амалга оширилаётган ишлар, хусусан, боғ ва ток қатор оралари ҳамда дала четларидан самарали фойдаланиш, аҳоли хонадонларида мевали дарахтлар кўчатларини экиш, экспортбоп маҳсулотлар етиштириш борасидаги ишлар билан танишиш мақсадида 27 июнь куни Амударё туманида бўлди.
Холимбег овул фуқаролар йиғини ҳудудида жойлашган “Уста Аллаёр” фермер хўжалиги далаларида ташкил этилган амалий семинарда фермер хўжаликлари раҳбарлари, Ўзбекистон Фермерлар Кенгаши бўлим бошлиғи Меҳриддин Муҳаммадиев, “Bionavatik-agro” МЧЖ ҳудудий вакили Фатҳулла Тешаев, Амударё туман Фермерлар Кенгаши раиси Илҳом Полвонов ҳамда тегишли ташкилотлар вакиллари иштирок этди.
Семинарда Меҳриддин Муҳаммадиев тадбир иўтирокчиларига фермер хўжаликларини қийнаётган муаммолар, уларнинг ечимлари, фермерлар даромадини ошириш бўйича амалий тавсиялар берди. Шунингдек, соҳадаги ечимини кутаётган масалалар юзасидан ҳам атрофлича маълумотлар тақдим этилди.
Фермерлар Кенгаши жамғармаси маблағлари ҳисобидан қишлоқ хўжалиги йўналишида имтиёзли кредитлар ажратиш тартиби бўйича Жамғарманинг Қорақалпоғистон Республикаси бўйича вакили Алланиёз Ажимов маълумот берди. Айтиб ўтилганидек, мазкур кредитлар 60 га яқин йўналиш бўйича 3 йилдан 7 йилгача имтиёзли шартларда берилади.
Тадбир доирасида тумандаги фермер хўжаликлари раҳбарлари иштирокида “Й.Ўразбаев” ММТП ҳудудида жойлашган “Бешбаев Қурбанғали” фермер хўжалигида кўргазмали семинар ҳам ташкил этилди. Унда “Bionavatik-agro” МЧЖ ҳудудий вакили Фатҳулла Тешаев 2025 йил ҳосили учун экилган пахта ва бошқа қишлоқ хўжалик экинларини парваришлашда тўғри агротехник тадбирларни қўллаш, биологик усуллардан самарали фойдаланиш, хусусан, биологик препаратлар орқали тупроқ структурасини яхшилаш ва ҳосилдорликни икки ҳисса ошириш имкониятлари ҳақида амалий тавсияларини тақдим этди.
Шоҳзод Қурбонбоев тайёрлади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
