Amudaryo tumanida fermer xoʻjaliklarining daromadini oshirish boʻyicha amaliy seminar oʻtkazildi
Soʻnggi yillarda mamlakatimizda fermer xoʻjaliklarining ekin yerlaridan samarali foydalanishi, qishloq xoʻjaligida gektariga hosildorlikni ikki baravar oshirish, zamonaviy ilm-fan va yangi texnologiyalar yordamida daromadlarni koʻpaytirish boʻyicha tizimli ishlar amalga oshirilmoqda.
Shu maqsadda, Oʻzbekiston Fermerlar Kengashi tashabbusi bilan tuzilgan ishchi guruh 2025-yil hosili uchun amalga oshirilayotgan ishlar, xususan, bogʻ va tok qator oralari hamda dala chetlaridan samarali foydalanish, aholi xonadonlarida mevali daraxtlar koʻchatlarini ekish, eksportbop mahsulotlar yetishtirish borasidagi ishlar bilan tanishish maqsadida 27-iyun kuni Amudaryo tumanida boʻldi.
Xolimbeg ovul fuqarolar yigʻini hududida joylashgan “Usta Allayor” fermer xoʻjaligi dalalarida tashkil etilgan amaliy seminarda fermer xoʻjaliklari rahbarlari, Oʻzbekiston Fermerlar Kengashi boʻlim boshligʻi Mehriddin Muhammadiyev, “Bionavatik-agro” MChJ hududiy vakili Fathulla Teshayev, Amudaryo tuman Fermerlar Kengashi raisi Ilhom Polvonov hamda tegishli tashkilotlar vakillari ishtirok etdi.
Seminarda Mehriddin Muhammadiyev tadbir ioʻtirokchilariga fermer xoʻjaliklarini qiynayotgan muammolar, ularning yechimlari, fermerlar daromadini oshirish boʻyicha amaliy tavsiyalar berdi. Shuningdek, sohadagi yechimini kutayotgan masalalar yuzasidan ham atroflicha maʼlumotlar taqdim etildi.
Fermerlar Kengashi jamgʻarmasi mablagʻlari hisobidan qishloq xoʻjaligi yoʻnalishida imtiyozli kreditlar ajratish tartibi boʻyicha Jamgʻarmaning Qoraqalpogʻiston Respublikasi boʻyicha vakili Allaniyoz Ajimov maʼlumot berdi. Aytib oʻtilganidek, mazkur kreditlar 60 ga yaqin yoʻnalish boʻyicha 3-yildan 7-yilgacha imtiyozli shartlarda beriladi.
Tadbir doirasida tumandagi fermer xoʻjaliklari rahbarlari ishtirokida “Y.Oʻrazbayev” MMTP hududida joylashgan “Beshbayev Qurbangʻali” fermer xoʻjaligida koʻrgazmali seminar ham tashkil etildi. Unda “Bionavatik-agro” MChJ hududiy vakili Fathulla Teshayev 2025-yil hosili uchun ekilgan paxta va boshqa qishloq xoʻjalik ekinlarini parvarishlashda toʻgʻri agrotexnik tadbirlarni qoʻllash, biologik usullardan samarali foydalanish, xususan, biologik preparatlar orqali tuproq strukturasini yaxshilash va hosildorlikni ikki hissa oshirish imkoniyatlari haqida amaliy tavsiyalarini taqdim etdi.
Shohzod Qurbonboyev tayyorladi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
