СТАТИСТИКА ТИЗИМИДА ЗАМОНАВИЙ ТЕХНОЛОГИЯЛАР
Туман Статистика бўлими Ўзбекистон Республикаси Президенти ва ҳукумати томонидан тадбиркорликни ривожлантириш, тадбиркорлар ҳуқуқ ва манфаатларини ҳимоя қилишни кучайтириш бўйича қабул қилинган фармон ва қарорларнинг ижросини таъминлаш юзасидан Давлат статистика қўмитасининг комплекс чора-тадбирлар режасига асосан бир қанча ишларни амалга ошириб келмоқда.
Ўзбекистон Республикаси Президентининг 2012 йил 16 июлдаги "Статистик, солиқ, молиявий ҳисоботларни, лицензияланадиган фаолият турларини ва рухсат бериш тартиб-таомилларини тубдан қисқартириш чора-тадбирлари тўғрисида”ги ва 2012 йил 18 июлдаги "Ишбилармонлик муҳитини янада тубдан яхшилаш ва тадбиркорликка янада кенг эркинлик бериш чора-тадбирлари тўғрисида”ги фармонларининг қабул қилиниши тадбиркорликнинг юқори даражада ривожланишини таъминлаб, ўз навбатида мамлакатимиз иқтисодий қудратини янада оширишга асос яратиб берди.
Юқоридаги фармонлар билан 65 турдаги давлат статистика ҳисоботи шакллари умуман қисқартирилди ва 23 турдаги давлат статистика ҳисоботи шаклларининг тақдим этиш муддатлари тубдан ўзгартирилди.
Тадбиркорлар ҳуқуқларини ҳимоя қилишни кучайтириш, бюрократик тўсиқларни тугатиб бориш эвазига яратилган ишбилармонлик муҳитини яхшилаш мақсадида янгидан ташкил этилаётган тадбиркорлик субъектларини давлат рўйхатига олишда қулайликлар яратилмоқда. Масалан, илгарилари тадбиркорликни бошламоқчи бўлган шахслар фирма номини олиш учун статистика органига бориб ариза беришлари, жавобини 2 иш кунида, 2011 йилдан бошлаб эса 8 иш соати ичида олишлари мумкин эди. Президентимиз фармонининг ижросини таъминлаш юзасидан Давлат статистика қўмитаси томонидан 2012 йилнинг 1 августидан бошлаб фирма номлари бўйича интернет орқали кечаю-кундуз келиб тушган аризаларни 4 иш соати давомида кўриб чиқиш амалиётга жорий этилди.
Фуқароларнинг ёзма ва оғзаки мурожаатлари билан ишлашнинг амалдаги меъёрий-ҳуқуқий ҳужжатлар талаблари асосида ташкил этилишини таъминлаш ва бу борада назоратни янада кучайтириш, Ўзбекистон Республикасининг "Жисмоний ва юридик шахсларнинг мурожаатлари тўғрисида”ги Қонуни ижросини сўзсиз таъминлаш, фуқаролар мурожаатларини кўриб чиқишнинг натижадорлигини янада ошириш юзасидан статистика бўлими томонидан чора-тадбирлар дастури тасдиқланган. Туман статистика бўлими раҳбарлари томонидан фуқароларни қабул қилиш белгиланган жадвал асосида амалга оширилмоқда.
Замонавий ахборот технологиялари ва алоқа воситаларининг тўлиқ ва сифатли ишлашини таъминлаш мақсадида статистика тизими ходимларининг малакаларини доимий равишда ошириб бориш ишлари тизимли йўлга қўйилди.
Келгусида тизимимиздаги ахборот коммуникация технологияларини янгилаб, ходимларимиз малакаларини ошириб борамиз ва 2015 йилдан бошлаб босқичма-босқич давлат статистика хисобот шаклларининг интернет орқали тўлиқ қамраб олинишини таъминлаймиз.
Ҳамза ҲАЙТИМБЕТОВ, туман Статистика бўлими бошлиғи.
(Фото http://www.olx.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
