«ВАТАН УЧУН, МИЛЛАТ УЧУН, ХАЛҚ УЧУН!»
Бу йил мамлакатимиз мустақиллигининг 34 йиллиги юртимизнинг ҳар бир муассасасида кўтаринки кайфиятда кенг нишонланмоқда. Зеро, мустақиллик бизга миллий ўзига хослигимизни, ор-номус ва ғуруримизни, миллий қадриятлар ва анъаналаримиз билан фахрланиш ҳиссини қайтарган байрам сифатида абадий қолган ва жонажон Ватанимиз йилномасига олтин ҳарфлар билан ёзилган. Шу билан бирга, мустақиллигимиз шарофати билан биз нафақат тилимиз, динимиз, балки давлат рамзларимизга ҳам эга бўлдик.
Барча таълим масканларида ўтказилаётган тадбирлар қаторида туманимизнинг 1-сонли умумий ўрта таълим мактабида ҳам "Ватан учун, миллат учун, халқ учун!" шиори остида тадбир ўтказилиб, "Биринчи қўнғироқ" садолари янгради.
Байрам тадбирини мактаб директори Дилрабо опа Шербоева очиқ деб эълон қилгандан сўнг, мактаб деб аталмиш муқаддас даргоҳга илк қадамини қўяётган жажжи болажонларнинг куй ва рақслари барчанинг дилини хушнуд этди. Байрамга туман ҳокими ўринбосари, Оила ва хотин-қизлар бўлими бошлиғи Гўзал Собурова ташриф буюриб, байрам иштирокчиларига самимий тилакларини йўллади. Устоз ва мураббийларга ҳам машаққатли, ҳам шарафли касбларида сабр, матонат ва муваффақиятлар тилади.
Тадбир давомида 1-“А” синф ўқувчи қизлари ижросидаги “Яйра, Ўзбекистон!” деб аталган ажойиб рақслар билан давом этди. 2-“А” синф ўқувчиси Ўринбоев Умиджон ижросидаги “Ўзбекистон” таронаси тадбирга янада кўтаринки руҳ бағишлади. 10-“Б” синф ўқувчиси Бозорбоева Моҳинур ва 11-“А” синф ўқувчиси Мадраҳимова Феруза Ватан ҳақидаги шеърларни ифодали ўқиди.
Жажжи болажонларнинг ота-оналари ҳам ташриф буюриб, ўқитувчи ва устозларни байрам муносабати билан муборакбод этди. Тадбир сўнгида мактаб раҳбари 1-синф болажонларига Президент совғаларини тақдим этди.
Байрам якунида 1-“А” синф ўқувчилари Рустамова Кумушой ва Раҳимов Султонбеклар янги ўқув йилидаги биринчи қўнғироқни чалишди.
Инобат Одилбоева, 1-сонли мактабнинг она тили ва адабиёт фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
