АМУДАРЁ ТУМАНИДА “САЛОМАТЛИК МАРАФОНИ”ГА СТАРТ БЕРИЛДИ
Ўзбекистон Республикаси Соғлиқни сақлаш Вазирлигининг 2025 йил 31 октябрдаги 335-сонли буйруғига асосан аҳоли саломатлигини мустаҳкамлаш ва соғлом турмуш тарзини кенг тарғиб этиш мақсадида Амударё туманида 1-30 декабрь кунлари профилактик тадбирлар — “Саломатлик марафони” бошланди.
“Саломатлик марафони” доирасида кўп тармоқли Марказий поликлиника, ҳудудлардаги Оилавий поликлиникалар ва Оилавий шифокорлик пунктларида профилактик кўриклар ва скрининг дастурлари амалга оширилиши, сурункали касаллиги бор беморларни тиббий кўрикдан ўтказиш ва индивидуал соғломлаштириш режасига мувофиқ соғломлаштириш чоралари кўрилиши ҳамда юқори технологик амалиётларга муҳтож беморлар рўйхати шакллантирилиб, уларни самарали даволаш чоралари амалга оширилиши кўзда тутилган. Шунингдек, ойлик доирасида 45 ёшдан 65 ёшгача бўлган аёлларда кўкрак бези саратонининг олдини олиш ва эрта аниқлаш ҳамда ташхислаш мақсадида биринчи галда кўчма маммографияга муҳтожлар тиббий кўрикдан ўтказилиб, марафон жараёнида аҳоли орасида соғлом турмуш тарзини шакллантириш, тўғри овқатланиш, доимий ва режали кун тартибига амал қилиш ҳамда зарарли одатларга қарши курашиш мақсадида аҳоли гавжум бўлган жойларда тиббий кўриклар ташкиллаштирилиб, аҳолига керакли тиббий маслаҳатлар тақдим қилинади.
Бир ой давом этадиган мазкур тадбирнинг илк ҳафтасидаги тиббий маслаҳатлар ва кўрикларда аҳоли катта қизиқиш билан иштирок этишмоқда.
Манғит деҳқон бозори ва бошқа аҳоли гавжум жойларда ташкил қилинган “Саломатлик марафони” нуқталарида тўғри овқатланиш тарғиботига бағишланган кўргазмалар ташкил этилиши ўзининг ижобий самарасини бермоқда. Аҳолига яшил, сариқ ва қизил столларда озиқ-овқат ва мева-чевалар макетлари намойиш қилиниб, қайсилари саломатлик учун фойдали, қайсилари зарарли экани тушунтирилмоқда. Буклетлар ҳамда тарқатма материаллар, кўргазмали қуроллар воситасида оммавий тарғибот тадбирлари ўтказилаётгани аҳолининг тиббий маданиятини ошириш имконини бермоқда.
Ушбу марафон тумандаги ҳар бир фуқаронинг соғлиғини яхшилашга, касалликларни эрта аниқлашга ва аҳоли орасида тиббий маданиятни юксалтиришга хизмат қилади.
Қадрли юртдошлар! “Саломатлик марафони” ойлигида фаол иштирок этинг ва ўз саломатлигингизга асло бефарқ бўлманг. Тиббий кўриклардан ўтиш орқали соғлигингиз ҳақида ғамхўрлик қилинг. Зеро, саломатлик энг катта бойликдир.
Жумабой Явқашев, Амударё тумани Тиббиёт бирлашмаси шифокори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
