AMUDARYo TUMANIDA “SALOMATLIK MARAFONI”GA START BERILDI
Oʻzbekiston Respublikasi Sogʻliqni saqlash Vazirligining 2025-yil 31-oktyabrdagi 335-sonli buyrugʻiga asosan aholi salomatligini mustahkamlash va sogʻlom turmush tarzini keng targʻib etish maqsadida Amudaryo tumanida 1-30-dekabr kunlari profilaktik tadbirlar — “Salomatlik marafoni” boshlandi.
“Salomatlik marafoni” doirasida koʻp tarmoqli Markaziy poliklinika, hududlardagi Oilaviy poliklinikalar va Oilaviy shifokorlik punktlarida profilaktik koʻriklar va skrining dasturlari amalga oshirilishi, surunkali kasalligi bor bemorlarni tibbiy koʻrikdan oʻtkazish va individual sogʻlomlashtirish rejasiga muvofiq sogʻlomlashtirish choralari koʻrilishi hamda yuqori texnologik amaliyotlarga muhtoj bemorlar roʻyxati shakllantirilib, ularni samarali davolash choralari amalga oshirilishi koʻzda tutilgan. Shuningdek, oylik doirasida 45 yoshdan 65 yoshgacha boʻlgan ayollarda koʻkrak bezi saratonining oldini olish va erta aniqlash hamda tashxislash maqsadida birinchi galda koʻchma mammografiyaga muhtojlar tibbiy koʻrikdan oʻtkazilib, marafon jarayonida aholi orasida sogʻlom turmush tarzini shakllantirish, toʻgʻri ovqatlanish, doimiy va rejali kun tartibiga amal qilish hamda zararli odatlarga qarshi kurashish maqsadida aholi gavjum boʻlgan joylarda tibbiy koʻriklar tashkillashtirilib, aholiga kerakli tibbiy maslahatlar taqdim qilinadi.
Bir oy davom etadigan mazkur tadbirning ilk haftasidagi tibbiy maslahatlar va koʻriklarda aholi katta qiziqish bilan ishtirok etishmoqda.
Mangʻit dehqon bozori va boshqa aholi gavjum joylarda tashkil qilingan “Salomatlik marafoni” nuqtalarida toʻgʻri ovqatlanish targʻibotiga bagʻishlangan koʻrgazmalar tashkil etilishi oʻzining ijobiy samarasini bermoqda. Aholiga yashil, sariq va qizil stollarda oziq-ovqat va meva-chevalar maketlari namoyish qilinib, qaysilari salomatlik uchun foydali, qaysilari zararli ekani tushuntirilmoqda. Bukletlar hamda tarqatma materiallar, koʻrgazmali qurollar vositasida ommaviy targʻibot tadbirlari oʻtkazilayotgani aholining tibbiy madaniyatini oshirish imkonini bermoqda.
Ushbu marafon tumandagi har bir fuqaroning sogʻligʻini yaxshilashga, kasalliklarni erta aniqlashga va aholi orasida tibbiy madaniyatni yuksaltirishga xizmat qiladi.
Qadrli yurtdoshlar! “Salomatlik marafoni” oyligida faol ishtirok eting va oʻz salomatligingizga aslo befarq boʻlmang. Tibbiy koʻriklardan oʻtish orqali sogʻligingiz haqida gʻamxoʻrlik qiling. Zero, salomatlik eng katta boylikdir.
Jumaboy Yavqashev, Amudaryo tumani Tibbiyot birlashmasi shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
