Амударё туманида 2026 йилги экиш мавсумига тайёргарлик кўриш масаласида амалий семинарлар ташкил этилди
Амударё туманининг “Тўлқин” ва “Оқ олтин” ОФЙ ҳудудларида 2026-йил чигит экиш мавсумига тайёргарлик ишлари доирасида қатор амалий семинарлар ташкил этилди.
Семинарларда Қорақалпоғистон Республикаси Жўқорғи Кенгесининг Аграр, сув хўжалиги, табиатни муҳофаза қилиш ва экология масалалари қўмитаси раиси Анвар Жуманазаров, Сув хўжалиги вазири Бахтиёр Юсупов, қишлоқ ва сув хўжалиги соҳаларига масъул ташкилотлар раҳбарлари, туман ҳокимларининг қишлоқ ва сув хўжалиги масалалари бўйича ўринбосарлари ҳамда фермерлар иштирок этдилар. Ушбу тадбирлар қишлоқ хўжалиги ишларини илмий асосда, белгиланган агротехник муддатларда ва юқори сифат билан амалга оширишга қаратилгани билан аҳамият касб этди.
Семинарлар давомида қишлоқ хўжалиги техникаларини таъмирлаш устахоналарида олиб борилаётган ишлар, техника ва агрегатларни мавсумга шай ҳолатга келтириш жараёнлари атрофлича кўздан кечирилди. Шунингдек, экин майдонларини шудгорлаш, лазерли текислаш, шўр ювишга ер тайёрлаш, чел олиш ва шўр ювиш ишларининг бориши юзасидан амалий тушунтиришлар берилди.
Уруғлик чигитини тозалаш, саралаш, туксизлантириш ва дорилаш, биолабораторияларни мавсумга тайёрлаш масалалари ҳам семинарларнинг муҳим йўналишларидан бўлди. Бу жараёнлар келгусида соғлом кўчатлар етиштириш ва юқори ҳосилдорликка эришишда муҳим омил экани алоҳида таъкидланди.
Семинарлар жараёнида Қорақалпоғистон Республикаси Жўқорғи Кенгесининг Аграр, сув хўжалиги, табиатни муҳофаза қилиш ва экология масалалари қўмитаси раиси Анвар Жуманазаров сўзга чиқиб, ер ва сув ресурсларидан оқилона фойдаланиш, агротехник тадбирларни тўлиқ ва сифатли бажариш бугунги куннинг энг долзарб вазифаларидан бири эканини қайд этди. У ўз нутқида шўрланган ерларни мелиоратив ҳолатини яхшилаш, сув тежовчи технологияларни кенг жорий этиш орқали барқарор ҳосилдорликка эришиш мумкинлигини таъкидлади.
Шунингдек, Сув хўжалиги вазири Бахтиёр Юсупов семинарда нутқ сўзлаб, ички суғориш тармоқларини бетонлаштириш, қандакларни белгиланган меъёрларда қазиш, сув сарфини аниқ ҳисобга олиш масалаларига алоҳида эътибор қаратди. Унинг таъкидлашича, сувдан тежамкор ва самарали фойдаланиш — бугунги шароитда қишлоқ хўжалиги барқарорлигининг энг муҳим омилларидан биридир.
Тадбирлар доирасида 2026 йил ҳосили учун экилган ғалла майдонларига гўнг чиқариш, ерга ер қўшиш, мелиоратив ҳолатни яхшилаш, ички суғориш тизимларини такомиллаштириш бўйича амалга оширилаётган ишлар ҳам муҳокама қилинди. Фермерлар билан очиқ мулоқотлар ўтказилиб, уларнинг таклиф ва муаммолари тингланди. Мутасаддилар томонидан амалга оширилаётган ишлар бўйича аниқ тавсиялар берилиб, илғор тажрибаларни оммалаштириш, фермерлар билан ҳамкорликни кучайтириш зарурлиги таъкидланди.
Мазкур семинарлар Амударё туманида 2026 йилги қишлоқ хўжалиги мавсумига пухта тайёргарлик кўрилаётганидан, соҳада тизимли ёндашув ва амалий назорат кучайтирилаётганидан далолат беради. Энг муҳими, семинарлар фермерлар билим ва тажрибасини ошириш, юқори ҳосил олиш йўлида муҳим амалий жараён сифатида хизмат қилмоқда.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
