БУНЁДКОРЛИК ЙЎЛИДАН

Мамлакатимизда шаҳар ва қишлоқларимизни янада обод қилиш бўйича катта ишлар олиб борилмоқда. Шу жумладан туманимиз маркази Манғит шаҳри ва қишлоқларида ҳам жуда катта бунёдкорлик ишлари амалга оширилаяпти.

Амударё тумани ҳокимлигининг бевосита амалий ёрдами натижасида 1993 йилда бино ва иншоотларнинг лойиҳа-смета ҳужжатларини тайёрлаш бўйича ташкил қилинган меъмор Шербой Бекмуратовнинг "Шукуржон” шахсий ижодий устахонаси ходимлари ҳам ана шу бунёдкорлик ишларига маълум маънода ҳисса қўшиб келмоқдалар. Мазкур муассасада туманимиздан етишиб чиққан истеъдодли архитектор ва муҳандислар ижодий фаолиятларини олиб боришмоқда.

Корхона томонидан мустақилликнинг дастлабки йилларида туман маркази ва қишлоқ ҳудудларида барпо этилаётган кичик бизнес ва савдо, маиший хизмат объектлари, Манғит Деҳқон бозори, туманимизга Хоразм томондан ва Нукус-Тўрткўл йўли томонидан кириб келадиган жойлардаги рамзий дарвозалар, туман Давлат солиқ инспекцияси маъмурий биноси, Хитой овули ҳудудидаги 630 ўқувчи ўринли 21-сонли умумтаълим мактаби биноси ва бошқа бир қанча ижтимоий соҳа объектлари ижодий устахонамиз лойиҳалари асосида қуриб битказилиб, туман маркази ва ҳудудларига ўзига хос кўрк бағишлаб турибди.

Айниқса, Ўзбекистон Республикаси Вазирлар Маҳкамасининг 2004 йил 9 июлдаги 321-сонли "2004-2009 йилларда мактаб таълимини ривожлантириш Давлат умуммиллий дастурини амалга ошириш чора-тадбирлари тўғрисида”ги қарори асосида 2004-2009 йиллар давомида корхона томонидан тумандаги умумтаълим мактабларини янгидан қуриш, капитал реконструкция қилиш ва капитал таъмирлаш лойиҳаларини ишлаб чиқишда кенг кўламда ишлар амалга оширилди.

Кейинги йилларда ёшлар учун бир қанча спорт иншоотлари, жумладан, Ўрта қалъа овули ҳудудидаги 1-типдаги болалар спорт мажмуаси, тумандаги Болалар ва ўсмирлар спорт мактаблари реконструкция қилинди, 4 та мактабга 12х24 метр ўлчамдаги ва 5 та мактабга 9х18 метр ўлчамдаги спорт зали биноси лойиҳалари ишланиб, қурилди ва мазкур спорт иншоотлари ёшларнинг соғлом ва баркамол бўлиб вояга етиши учун хизмат қилмоқда.

Касб-ҳунар коллежлари ва академик лицейларнинг моддий-техник таъминотини яхшилаш тўғрисидаги Давлат дастурига мувофиқянгидан қурилган 540 ўқувчи ўринли Манғит иқтисодиёт коллежи, 360 ўринли Амударё хизмат кўрсатиш ва сервис касб-ҳунар коллежларининг лойиҳа-смета ҳужжатлари ишлаб чиқилди.

Шунингдек Манғит шаҳрида Нукус Давлат педагогика институти қошидаги 495 ўринли 3-сонли Амударё академик лицейи қурилиши лойиҳа – смета ҳужжатлари тайёрланди. Лицей қошида олдин бўш турган бино реконструкция қилиниб, 100 ўринли ётоқхона ташкил этилди.

Қиличбой овулида дастур бўйича 360 ўқувчи ўринли касб-ҳунар коллежи реконструкция лойиҳаси тайёрланиб, қўшимча 12х24 метр ўлчамли спорт зали ва лаборатория биноси қурилди. 2014 йилда шу коллежга янги типдаги устахона қурилди.

Амударё қишлоқ хўжалик касб-ҳунар коллежи биносининг лойиҳаси тайёрланиб, мазкур коллеж биноси капитал таъмирланди.

Корхона томонидан соғликни сақлаш объектларини қуриш ва реконструкция қилиш бўйича ҳам қатор лойиҳа ишлари амалга оширилди. Жумладан, туман тиббиёт бирлашмаси биносини реконструкция қилиш, Амир Темур, Бобур номли овуллар ва Қизилчоли маҳалласидаги ҳар бири 50 қатновга мўлжалланган қишлоқ врачлик пунктлари ижодий устахонамиз лойиҳалари асосида қуриб битказилиб, аҳолига сифатли тиббий хизмат кўрсатмоқда.

Ўзбекистон Республикаси Президентининг 2009 йил 3 августдаги "Қишлоқ жойларда уй-жой қурилиши кўламини кенгайтиришга оид қўшимча чора-тадбирлар тўғрисида”ги ПҚ-1167сонли қарорига мувофиқ, 2010-2015 йиллар мобайнида корхонамиз томонидан туманимизда намунавий уй-жойлар массивларининг қурилиши лойиҳалари тайёрланиб, муаллифлик назоратлари амалга оширилди.

Ушбу соҳада 2010 йилда Қипчоқ овулидаги "Бештом” турар жой массивида 2 та, Амир Темур номли овулнинг "Тақир қалъа” турар жой массивида 58 та,жами 60 та 3 ва 4 хонали замонавий турар жойлар лойиҳалари, 2011 йилда "Тўлқин” овулидаги "Бағанали” турар жой массивида 8 та, Қиличбой овулининг "Олмазор” турар жой массивида 17 та, Амир Темур овулининг "Тақир-қалъа” турар жой массивида 25 та, жами 50 та замонавий турар жойлар лойиҳалари тайёрланиб буюртмачиларга топширилди.

2012 йилда тумандаги "Ўрта қалъа” овулининг "Вахум”, Амир Темур номли овулнинг "Тақир қалъа”турар жой массивларида жами 50 та , 2013 йилда "Ўрта қала” овулининг "Вахум”, Амир Темур номли овулнинг "Тақир қалъа”, Чойкўл овулининг "Босув” турар жой массивларида жами 50 та 4 хонали замонавий турар жойлар лойиҳалари ишлаб чиқилди. 2014 йилда туманимиздаги 3 та турар жой массивларида жами 70 та, 2015 йилда 3 та турар жой массивларида жами 75 та замонавий турар жойлар лойиҳалари ишлаб чиқилиб, буюртмачиларга топширилди.

2014 йилнинг июнь ойида Манғит шаҳрининг "Гулзор” маҳалласи ҳудудида ёшлар учун мўлжалланган янги 4 вақатли, 48 хонадонли "Камолот” уйлари биносини лойиҳалаштириш ишлари амалга оширилди. Мазкур объект яқин кунлар ичида қуриб битказилиб, фойдаланишга топширилади.

Ижодий устахона жамоаси ҳозирги кунда Амударё, Беруний ва Тўрткўл туманларида 2016 йилда қурилиши, капитал реконструкция қилиниши ва капитал таъмирланиши режалаштирилган ижтимоий соҳа объектлари лойиҳаларини тайёрлаш бўйича амалий ишлар олиб бормоқда.

Корхона ўз лойиҳа фаолиятини олиб бориш учун зарур бўлган барча замонавий компьютерва ташкилий техникалар билан таъминланган. Лойиҳалар замонавий дастурий таъминот асосида ишланмоқда.

Ҳозирги кунда хусусий корхонада 16 нафар малакали муҳандис ва архитекторлар меҳнат қилмоқда. Кейинги икки йил ичида жамоага олий ўқув юртларини битирган тўрт нафар архитектор ва муҳандис ёшлар келиб қўшилди. Уларга тажрибали архитектор вамуҳандислар мураббий қилиббириктирилган.

Бир сўз биланайтганда, меҳнат жамоамизнинг асосий мақсадиАмударё тумани вақўшни туманларда амалгаоширилаётган кенг кўламлиқурилиш ва бунёдкорлик ишлариучун замонавий кўринишдаги лойиҳаларни ишлабчиқиш орқали юртимизчиройига чирой қўшишданиборат.

Холмурод ЎРОЗОҚОВ,"Шукуржон” шахсий ижодий устахонаси лойиҳалар бўйича бош муҳандиси, Халқ депутатлари туман Кенгаши депутати.