BUNYoDKORLIK YOʻLIDAN

Mamlakatimizda shahar va qishloqlarimizni yanada obod qilish boʻyicha katta ishlar olib borilmoqda. Shu jumladan tumanimiz markazi Mangʻit shahri va qishloqlarida ham juda katta bunyodkorlik ishlari amalga oshirilayapti.

Amudaryo tumani hokimligining bevosita amaliy yordami natijasida 1993-yilda bino va inshootlarning loyiha-smeta hujjatlarini tayyorlash boʻyicha tashkil qilingan meʼmor Sherboy Bekmuratovning "Shukurjon” shaxsiy ijodiy ustaxonasi xodimlari ham ana shu bunyodkorlik ishlariga maʼlum maʼnoda hissa qoʻshib kelmoqdalar. Mazkur muassasada tumanimizdan yetishib chiqqan isteʼdodli arxitektor va muhandislar ijodiy faoliyatlarini olib borishmoqda.

Korxona tomonidan mustaqillikning dastlabki yillarida tuman markazi va qishloq hududlarida barpo etilayotgan kichik biznes va savdo, maishiy xizmat obʼektlari, Mangʻit Dehqon bozori, tumanimizga Xorazm tomondan va Nukus-Toʻrtkoʻl yoʻli tomonidan kirib keladigan joylardagi ramziy darvozalar, tuman Davlat soliq inspektsiyasi maʼmuriy binosi, Xitoy ovuli hududidagi 630 oʻquvchi oʻrinli 21-sonli umumtaʼlim maktabi binosi va boshqa bir qancha ijtimoiy soha obʼektlari ijodiy ustaxonamiz loyihalari asosida qurib bitkazilib, tuman markazi va hududlariga oʻziga xos koʻrk bagʻishlab turibdi.

Ayniqsa, Oʻzbekiston Respublikasi Vazirlar Mahkamasining 2004-yil 9-iyuldagi 321-sonli "2004-2009-yillarda maktab taʼlimini rivojlantirish Davlat umummilliy dasturini amalga oshirish chora-tadbirlari toʻgʻrisida”gi qarori asosida 2004-2009-yillar davomida korxona tomonidan tumandagi umumtaʼlim maktablarini yangidan qurish, kapital rekonstruktsiya qilish va kapital taʼmirlash loyihalarini ishlab chiqishda keng koʻlamda ishlar amalga oshirildi.

Keyingi yillarda yoshlar uchun bir qancha sport inshootlari, jumladan, Oʻrta qalʼa ovuli hududidagi 1-tipdagi bolalar sport majmuasi, tumandagi Bolalar va oʻsmirlar sport maktablari rekonstruktsiya qilindi, 4 ta maktabga 12x24 metr oʻlchamdagi va 5 ta maktabga 9x18 metr oʻlchamdagi sport zali binosi loyihalari ishlanib, qurildi va mazkur sport inshootlari yoshlarning sogʻlom va barkamol boʻlib voyaga yetishi uchun xizmat qilmoqda.

Kasb-hunar kollejlari va akademik litseylarning moddiy-texnik taʼminotini yaxshilash toʻgʻrisidagi Davlat dasturiga muvofiqyangidan qurilgan 540 oʻquvchi oʻrinli Mangʻit iqtisodiyot kolleji, 360-oʻrinli Amudaryo xizmat koʻrsatish va servis kasb-hunar kollejlarining loyiha-smeta hujjatlari ishlab chiqildi.

Shuningdek Mangʻit shahrida Nukus Davlat pedagogika instituti qoshidagi 495-oʻrinli 3-sonli Amudaryo akademik litseyi qurilishi loyiha – smeta hujjatlari tayyorlandi. Litsey qoshida oldin boʻsh turgan bino rekonstruktsiya qilinib, 100-oʻrinli yotoqxona tashkil etildi.

Qilichboy ovulida dastur boʻyicha 360 oʻquvchi oʻrinli kasb-hunar kolleji rekonstruktsiya loyihasi tayyorlanib, qoʻshimcha 12x24 metr oʻlchamli sport zali va laboratoriya binosi qurildi. 2014-yilda shu kollejga yangi tipdagi ustaxona qurildi.

Amudaryo qishloq xoʻjalik kasb-hunar kolleji binosining loyihasi tayyorlanib, mazkur kollej binosi kapital taʼmirlandi.

Korxona tomonidan sogʻlikni saqlash obʼektlarini qurish va rekonstruktsiya qilish boʻyicha ham qator loyiha ishlari amalga oshirildi. Jumladan, tuman tibbiyot birlashmasi binosini rekonstruktsiya qilish, Amir Temur, Bobur nomli ovullar va Qizilcholi mahallasidagi har biri 50 qatnovga moʻljallangan qishloq vrachlik punktlari ijodiy ustaxonamiz loyihalari asosida qurib bitkazilib, aholiga sifatli tibbiy xizmat koʻrsatmoqda.

Oʻzbekiston Respublikasi Prezidentining 2009-yil 3-avgustdagi "Qishloq joylarda uy-joy qurilishi koʻlamini kengaytirishga oid qoʻshimcha chora-tadbirlar toʻgʻrisida”gi PQ-1167sonli qaroriga muvofiq, 2010-2015-yillar mobaynida korxonamiz tomonidan tumanimizda namunaviy uy-joylar massivlarining qurilishi loyihalari tayyorlanib, mualliflik nazoratlari amalga oshirildi.

Ushbu sohada 2010 yilda Qipchoq ovulidagi "Beshtom” turar joy massivida 2 ta, Amir Temur nomli ovulning "Taqir qalʼa” turar joy massivida 58 ta,jami 60 ta 3 va 4 xonali zamonaviy turar joylar loyihalari, 2011-yilda "Toʻlqin” ovulidagi "Bagʻanali” turar joy massivida 8 ta, Qilichboy ovulining "Olmazor” turar joy massivida 17 ta, Amir Temur ovulining "Taqir-qalʼa” turar joy massivida 25 ta, jami 50 ta zamonaviy turar joylar loyihalari tayyorlanib buyurtmachilarga topshirildi.

2012-yilda tumandagi "Oʻrta qalʼa” ovulining "Vaxum”, Amir Temur nomli ovulning "Taqir qalʼa”turar joy massivlarida jami 50 ta , 2013-yilda "Oʻrta qala” ovulining "Vaxum”, Amir Temur nomli ovulning "Taqir qalʼa”, Choykoʻl ovulining "Bosuv” turar joy massivlarida jami 50 ta 4 xonali zamonaviy turar joylar loyihalari ishlab chiqildi. 2014 yilda tumanimizdagi 3 ta turar joy massivlarida jami 70 ta, 2015-yilda 3 ta turar joy massivlarida jami 75 ta zamonaviy turar joylar loyihalari ishlab chiqilib, buyurtmachilarga topshirildi.

2014-yilning iyun oyida Mangʻit shahrining "Gulzor” mahallasi hududida yoshlar uchun moʻljallangan yangi 4 vaqatli, 48 xonadonli "Kamolot” uylari binosini loyihalashtirish ishlari amalga oshirildi. Mazkur obʼekt yaqin kunlar ichida qurib bitkazilib, foydalanishga topshiriladi.

Ijodiy ustaxona jamoasi hozirgi kunda Amudaryo, Beruniy va Toʻrtkoʻl tumanlarida 2016-yilda qurilishi, kapital rekonstruktsiya qilinishi va kapital taʼmirlanishi rejalashtirilgan ijtimoiy soha obʼektlari loyihalarini tayyorlash boʻyicha amaliy ishlar olib bormoqda.

Korxona oʻz loyiha faoliyatini olib borish uchun zarur boʻlgan barcha zamonaviy kompyuterva tashkiliy texnikalar bilan taʼminlangan. Loyihalar zamonaviy dasturiy taʼminot asosida ishlanmoqda.

Hozirgi kunda xususiy korxonada 16 nafar malakali muhandis va arxitektorlar mehnat qilmoqda. Keyingi ikki yil ichida jamoaga oliy oʻquv yurtlarini bitirgan toʻrt nafar arxitektor va muhandis yoshlar kelib qoʻshildi. Ularga tajribali arxitektor vamuhandislar murabbiy qilibbiriktirilgan.

Bir soʻz bilanaytganda, mehnat jamoamizning asosiy maqsadiAmudaryo tumani vaqoʻshni tumanlarda amalgaoshirilayotgan keng koʻlamliqurilish va bunyodkorlik ishlariuchun zamonaviy koʻrinishdagi loyihalarni ishlabchiqish orqali yurtimizchiroyiga chiroy qoʻshishdaniborat.

Xolmurod OʻROZOQOV,"Shukurjon” shaxsiy ijodiy ustaxonasi loyihalar boʻyicha bosh muhandisi, Xalq deputatlari tuman Kengashi deputati.