Халқ депутатлари Амударё туман Кенгашининг йигирма тўртинчи сессияси тўғрисида АХБОРОТ

2013 йил 25 апрель куни Халқ депутатлари Амударё туман Кенгашининг йигирма тўртинчи сессияси бўлиб ўтди.

Сессия кун тартибига қуйидаги масалалар ҳавола қилинди:

1. "Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида”ги Ўзбекистон Республикаси Қонунининг туманда ижроси тўғрисида.

2. "Тадбиркорлик фаолияти эркинлигининг кафолатлари тўғрисида”ги Ўзбекистон Республикаси Қонунининг туманда ижроси тўғрисида.

3. Фуқароларнинг ўзини ўзи бошқариш органлари фаолияти самарадорлигини оширишга қаратилган ташкилий чора-тадбирларнинг ҳамда туман ҳокимлиги билан ҳамкорликда фуқароларнинг ўзини ўзи бошқариш органларининг моддий-техник базасини такомиллаштиришга қаратилган чора-тадбирларнинг амалга оширилиши бўйича "Маҳалла” хайрия жамоат фонди туман бўлинмаси раиси Р.Рузметовнинг ҳисоботи тўғрисида.

4. 11-Холимбег сайлов округидан Халқ депутатлари туман Кенгашининг депутати А.Тиловмуротовнинг депутатлик фаолияти юзасидан ҳисоботи тўғрисида.

5. Туман Кенгашининг Қонунийлик, ҳуқуқ-тартибот ва фуқаролар хавфсизлигини таъминлаш масалалари бўйича доимий комиссияси ҳузурида "Маҳалла посбони” жамоатчилик тузилмаси фаолиятини такомиллаштириш бўйича жамоатчилик Кенгашини тузиш тўғрисида.

Кун тартибидаги "Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида”ги Ўзбекистон Республикаси Қонунининг туманда ижроси тўғрисидаги масала юзасидан туман Кенгашининг Қонунийлик, ҳуқуқ-тартибот ва фуқаролар хавфсизлигини таъминлаш масалалари бўйича доимий комиссияси раиси Р.Рузметов ахборот қилди.

Ахборот юзасидан сўзга туман ҳокимининг ўринбосари – хотин-қизлар қўмитаси раиси, туман ҳокимлиги ҳузуридаги вояга етмаганлар ишлари бўйича комиссия раиси ўринбосари М.Ахмедова, 10-сонли мактаб директори, 13-Хоразм сайлов округидан депутат Г.Матякубова, "Нуроний” жамғармаси туман бўлими раиси 16-Жамбул сайлов округидан депутат И.Тураев, "Тараққиёт кўзгуси” газетаси ва Амударё телевидениеси бош муҳаррири Ғ.Ешниёзов, Амударё хизмат кўрсатиш ва сервис касб ҳунар коллежи директори Б.Исмаиловлар чиқиб, фикр-мулоҳазалар билдирдилар.

"Тадбиркорлик фаолияти эркинлигининг кафолатлари тўғрисида”ги Ўзбекистон Республикаси Қонунининг туманда ижроси тўғрисида туман Кенгашининг Маҳаллий бюджетни шакллантириш ва уни ижро этиш, иқтисодий ислоҳотларни амалга ошириш ҳамда тадбиркорликни ривожлантириш масалалари бўйича доимий комиссияси раиси М.Казаков ахборот қилди.

Таъкидланганидек, "Тадбиркорлик фаолияти эркинлигининг кафолатлари тўғрисида”ги Ўзбекистон Республикаси Қонунни талабларини ижро қилиш борасида кўпгина ижобий ишларнинг амалга оширилди. Кейинги йилларда тадбиркорлик соҳасига давлатимиз раҳбарияти томонидан катта эътибор қаратилиб, тадбиркорларга янги имтиёз ва имкониятлар берилаётгани, соҳани ҳар томонлама ривожлантиришга қаратилган ҳуқуқий асослар билан бир қаторда амалий ишларнинг олиб борилаётгани, тадбиркорлик субъектларини ҳуқуқий ҳимоя қилиш тизимининг такомиллашгани тадбиркорлик фаолиятларини амалга ошириш учун қулай шароитлар ярамоқда.

Шунингдек, сессияда фуқароларнинг ўзини ўзи бошқариш органлари фаолияти самарадорлигини оширишга қаратилган ташкилий чора-тадбирларнинг ҳамда туман ҳокимлиги билан ҳамкорликда фуқароларнинг ўзини ўзи бошқариш органларининг моддий-техник базасини такомиллаштиришга қаратилган чора-тадбирларнинг амалга оширилиши бўйича "Маҳалла” хайрия жамоат фонди туман бўлинмаси раиси Р.Рузметов, депутатлик фаолияти юзасидан 11-Холимбег сайлов округидан Халқ депутатлари туман Кенгашининг депутати А.Тиловмуротов, туман Кенгашининг Қонунийлик, ҳуқуқ-тартибот ва фуқаролар хавфсизлигини таъминлаш масалалари бўйича доимий комиссияси ҳузурида "Маҳалла посбони” жамоатчилик тузилмаси фаолиятини такомиллаштириш бўйича жамоатчилик Кенгашини тузиш тўғрисида доимий комиссия раиси ўринбосари И.Юлдашовлар ахборот қилди.

Сессияда кўрилган барча масалалар муҳокама қилиниб, тегишли қарорлар қабул қилинди ва сессия ўз ишини якунлади.