Xalq deputatlari Amudaryo tuman Kengashining yigirma toʻrtinchi sessiyasi toʻgʻrisida AXBOROT

2013 yil 25-aprel kuni Xalq deputatlari Amudaryo tuman Kengashining yigirma toʻrtinchi sessiyasi boʻlib oʻtdi.

Sessiya kun tartibiga quyidagi masalalar havola qilindi:

1. "Voyaga yetmaganlar oʻrtasida nazoratsizlik va huquqbuzarliklarning profilaktikasi toʻgʻrisida”gi Oʻzbekiston Respublikasi Qonunining tumanda ijrosi toʻgʻrisida.

2. "Tadbirkorlik faoliyati erkinligining kafolatlari toʻgʻrisida”gi Oʻzbekiston Respublikasi Qonunining tumanda ijrosi toʻgʻrisida.

3. Fuqarolarning oʻzini oʻzi boshqarish organlari faoliyati samaradorligini oshirishga qaratilgan tashkiliy chora-tadbirlarning hamda tuman hokimligi bilan hamkorlikda fuqarolarning oʻzini oʻzi boshqarish organlarining moddiy-texnik bazasini takomillashtirishga qaratilgan chora-tadbirlarning amalga oshirilishi boʻyicha "Mahalla” xayriya jamoat fondi tuman boʻlinmasi raisi R.Ruzmetovning hisoboti toʻgʻrisida.

4. 11-Xolimbeg saylov okrugidan Xalq deputatlari tuman Kengashining deputati A.Tilovmurotovning deputatlik faoliyati yuzasidan hisoboti toʻgʻrisida.

5. Tuman Kengashining Qonuniylik, huquq-tartibot va fuqarolar xavfsizligini taʼminlash masalalari boʻyicha doimiy komissiyasi huzurida "Mahalla posboni” jamoatchilik tuzilmasi faoliyatini takomillashtirish boʻyicha jamoatchilik Kengashini tuzish toʻgʻrisida.

Kun tartibidagi "Voyaga yetmaganlar oʻrtasida nazoratsizlik va huquqbuzarliklarning profilaktikasi toʻgʻrisida”gi Oʻzbekiston Respublikasi Qonunining tumanda ijrosi toʻgʻrisidagi masala yuzasidan tuman Kengashining Qonuniylik, huquq-tartibot va fuqarolar xavfsizligini taʼminlash masalalari boʻyicha doimiy komissiyasi raisi R.Ruzmetov axborot qildi.

Axborot yuzasidan soʻzga tuman hokimining oʻrinbosari – xotin-qizlar qoʻmitasi raisi, tuman hokimligi huzuridagi voyaga yetmaganlar ishlari boʻyicha komissiya raisi oʻrinbosari M.Axmedova, 10-sonli maktab direktori, 13-Xorazm saylov okrugidan deputat G.Matyakubova, "Nuroniy” jamgʻarmasi tuman boʻlimi raisi 16-Jambul saylov okrugidan deputat I.Turayev, "Taraqqiyot koʻzgusi” gazetasi va Amudaryo televideniyesi bosh muharriri Gʻ.Yeshniyozov, Amudaryo xizmat koʻrsatish va servis kasb hunar kolleji direktori B.Ismailovlar chiqib, fikr-mulohazalar bildirdilar.

"Tadbirkorlik faoliyati erkinligining kafolatlari toʻgʻrisida”gi Oʻzbekiston Respublikasi Qonunining tumanda ijrosi toʻgʻrisida tuman Kengashining Mahalliy byudjetni shakllantirish va uni ijro etish, iqtisodiy islohotlarni amalga oshirish hamda tadbirkorlikni rivojlantirish masalalari boʻyicha doimiy komissiyasi raisi M.Kazakov axborot qildi.

Taʼkidlanganidek, "Tadbirkorlik faoliyati erkinligining kafolatlari toʻgʻrisida”gi Oʻzbekiston Respublikasi Qonunni talablarini ijro qilish borasida koʻpgina ijobiy ishlarning amalga oshirildi. Keyingi yillarda tadbirkorlik sohasiga davlatimiz rahbariyati tomonidan katta eʼtibor qaratilib, tadbirkorlarga yangi imtiyoz va imkoniyatlar berilayotgani, sohani har tomonlama rivojlantirishga qaratilgan huquqiy asoslar bilan bir qatorda amaliy ishlarning olib borilayotgani, tadbirkorlik subʼektlarini huquqiy himoya qilish tizimining takomillashgani tadbirkorlik faoliyatlarini amalga oshirish uchun qulay sharoitlar yaramoqda.

Shuningdek, sessiyada fuqarolarning oʻzini oʻzi boshqarish organlari faoliyati samaradorligini oshirishga qaratilgan tashkiliy chora-tadbirlarning hamda tuman hokimligi bilan hamkorlikda fuqarolarning oʻzini oʻzi boshqarish organlarining moddiy-texnik bazasini takomillashtirishga qaratilgan chora-tadbirlarning amalga oshirilishi boʻyicha "Mahalla” xayriya jamoat fondi tuman boʻlinmasi raisi R.Ruzmetov, deputatlik faoliyati yuzasidan 11-Xolimbeg saylov okrugidan Xalq deputatlari tuman Kengashining deputati A.Tilovmurotov, tuman Kengashining Qonuniylik, huquq-tartibot va fuqarolar xavfsizligini taʼminlash masalalari boʻyicha doimiy komissiyasi huzurida "Mahalla posboni” jamoatchilik tuzilmasi faoliyatini takomillashtirish boʻyicha jamoatchilik Kengashini tuzish toʻgʻrisida doimiy komissiya raisi oʻrinbosari I.Yuldashovlar axborot qildi.

Sessiyada koʻrilgan barcha masalalar muhokama qilinib, tegishli qarorlar qabul qilindi va sessiya oʻz ishini yakunladi.