ПАРТИЯ ФАОЛЛИГИ ОШМОҚДА
Ўзбекистон "Миллий тикланиш” демакратик партиясининг туман кенгаши депутатлик гуруҳида 10 нафар депутат фаолият олиб бормоқда. 2009 йилда бўлиб ўтган сайловларда туман Кенгашида 2 нафар депутат фаолият кўрсатган бўлса, 2014 йилдаги сайловларда уларнинг сони 8 нафарга кўпайди. Бу туманимиз ижтимоий-сиёсий ҳаётида партиямиз аъзоларининг фаол иштирок этаётганини ва юртдошларимизнинг ишончига сазовор бўла олганлигини кўрсатади. Айни кунда депутатларимиз ўз ҳуқуқ ва ваколатларидан унумли фойдаланиб, аҳоли фаровонлиги, юртимиз равнақига муносиб ҳисса қўшмоқдалар.
Партиямиздан туман Кенгашига сайланган депутатлар фаолиятини янада жонлантириш, уларнинг фаоллиги, ташаббускорлигини ошириш, қуйи бўғинлар билан мустаҳкам алоқада бўлиш, бошланғич партия ташкилотлари ва депутатлик гуруҳи ҳамкорлигини мустаҳкамлаш каби вазифаларга алоҳида эътибор қаратиб келмоқдамиз.
Ўтган 2015 йил давомида Ўзбекистон "Миллий тикланиш” демократик партиясининг Халқ депутатлари Амударё туман Кенгашидаги депутатлик гуруҳида иш режага мувофиқ ҳар ойда депутатлик гуруҳи аъзоларининг ҳисоботлари белгиланган режа асосида тинглаб борилди. Бундан ташқари, икки нафар мансабдор шахслар ҳисоботлари тингланди.
Партиядан номзоди кўрсатилган халқ депутатлари туман Кенгаши депутатлари ҳар ойда белгиланган муддатларда партия депутатлик гуруҳи иш режаси ҳамда шахсий иш режасига мувофиқ ўз сайловчилари билан ўтказган учрашувларида фуқароларнинг мурожаатлари асосида ҳудудлардаги мавжуд муаммолар яъни табиий газ, тоза ичимлик суви, йўл қурилиши, асфальт ётқизиш, қабристонларни ва аҳоли яшаш жойларини тозалаш, ободонлаштириш ва бошқа масалалар бўйича жами 22 та депутатлик сўровлари киритди ва тегишли жавоблар олинди.
Мен раислик қилаётган халқ депутатлари туман Кенгашининг ижтимоий – маданий ривожланиш ҳамда ёшлар сиёсати ва соғлом авлодни тарбиялаш масалалари бўйича доимий комиссияси томонидан ўтган давр мобайнида доимий комиссиянинг 10 та мажлиси бўлиб ўтди. Мазкур мажлисларда кун тартибидаги масалалар юзасидан доимий комиссиянинг барча депутатлари ўз фикр ва мулоҳазаларини билдириб, тегишли вазифаларни ўз зиммаларига олдилар ва ижросини таъминламоқдалар.
"Кексаларни эъзозлаш йили” туман дастурининг ижро этилишига партиямиз аъзолари муносиб ҳисса қўшдилар. Тумандаги барча корхона, ташкилотлар, жамоат ташкилотлари билан ҳамкорликда фуқароларимизда ёшлар онгига таъсир қилувчи турли мафкуравий таҳдидлар, хуружлардан ҳимоя қилишга масъуллик ҳиссини сингдириш, фарзандларини ўз фикрига эга ватанпарвар, маънавий тазйиқларга қарши тура оладиган иродали, фидойи инсонлар қилиб тарбиялаш лозимлиги хусусида кенг тарғибот ишлари олиб борилди.
Президентимиз Фармонлари, Ҳукуматимиз қарорлари ва Ўзбекистон Республикаси Қонунларининг турмушимизга татбиқ этилишига кўмаклашиш, фуқароларимизнинг муносиб турмуш шароитларда яшашига, фарзандларимизнинг баркамол инсонлар бўлиб вояга етишларига ҳисса қўшиш бизнинг фаолиятимизнинг асосини ташкил этади.
Шу мақсадга партиямиз аъзолари бутун куч-ғайратларини сафарбар этаверадилар.
Ширин ЯНГИБОЕВА,
ЎзМТДП туман Кенгаши раиси, халқ депутатлари туман Кенгаши депутати.
(Фото - http://milliytiklanish.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
