PARTIYa FAOLLIGI OShMOQDA
Oʻzbekiston "Milliy tiklanish” demakratik partiyasining tuman kengashi deputatlik guruhida 10 nafar deputat faoliyat olib bormoqda. 2009-yilda boʻlib oʻtgan saylovlarda tuman Kengashida 2 nafar deputat faoliyat koʻrsatgan boʻlsa, 2014-yildagi saylovlarda ularning soni 8 nafarga koʻpaydi. Bu tumanimiz ijtimoiy-siyosiy hayotida partiyamiz aʼzolarining faol ishtirok etayotganini va yurtdoshlarimizning ishonchiga sazovor boʻla olganligini koʻrsatadi. Ayni kunda deputatlarimiz oʻz huquq va vakolatlaridan unumli foydalanib, aholi farovonligi, yurtimiz ravnaqiga munosib hissa qoʻshmoqdalar.
Partiyamizdan tuman Kengashiga saylangan deputatlar faoliyatini yanada jonlantirish, ularning faolligi, tashabbuskorligini oshirish, quyi boʻgʻinlar bilan mustahkam aloqada boʻlish, boshlangʻich partiya tashkilotlari va deputatlik guruhi hamkorligini mustahkamlash kabi vazifalarga alohida eʼtibor qaratib kelmoqdamiz.
Oʻtgan 2015 yil davomida Oʻzbekiston "Milliy tiklanish” demokratik partiyasining Xalq deputatlari Amudaryo tuman Kengashidagi deputatlik guruhida ish rejaga muvofiq har oyda deputatlik guruhi aʼzolarining hisobotlari belgilangan reja asosida tinglab borildi. Bundan tashqari, ikki nafar mansabdor shaxslar hisobotlari tinglandi.
Partiyadan nomzodi koʻrsatilgan xalq deputatlari tuman Kengashi deputatlari har oyda belgilangan muddatlarda partiya deputatlik guruhi ish rejasi hamda shaxsiy ish rejasiga muvofiq oʻz saylovchilari bilan oʻtkazgan uchrashuvlarida fuqarolarning murojaatlari asosida hududlardagi mavjud muammolar yaʼni tabiiy gaz, toza ichimlik suvi, yoʻl qurilishi, asfalt yotqizish, qabristonlarni va aholi yashash joylarini tozalash, obodonlashtirish va boshqa masalalar boʻyicha jami 22 ta deputatlik soʻrovlari kiritdi va tegishli javoblar olindi.
Men raislik qilayotgan xalq deputatlari tuman Kengashining ijtimoiy – madaniy rivojlanish hamda yoshlar siyosati va sogʻlom avlodni tarbiyalash masalalari boʻyicha doimiy komissiyasi tomonidan oʻtgan davr mobaynida doimiy komissiyaning 10 ta majlisi boʻlib oʻtdi. Mazkur majlislarda kun tartibidagi masalalar yuzasidan doimiy komissiyaning barcha deputatlari oʻz fikr va mulohazalarini bildirib, tegishli vazifalarni oʻz zimmalariga oldilar va ijrosini taʼminlamoqdalar.
"Keksalarni eʼzozlash yili” tuman dasturining ijro etilishiga partiyamiz aʼzolari munosib hissa qoʻshdilar. Tumandagi barcha korxona, tashkilotlar, jamoat tashkilotlari bilan hamkorlikda fuqarolarimizda yoshlar ongiga taʼsir qiluvchi turli mafkuraviy tahdidlar, xurujlardan himoya qilishga masʼullik hissini singdirish, farzandlarini oʻz fikriga ega vatanparvar, maʼnaviy tazyiqlarga qarshi tura oladigan irodali, fidoyi insonlar qilib tarbiyalash lozimligi xususida keng targʻibot ishlari olib borildi.
Prezidentimiz Farmonlari, Hukumatimiz qarorlari va Oʻzbekiston Respublikasi Qonunlarining turmushimizga tatbiq etilishiga koʻmaklashish, fuqarolarimizning munosib turmush sharoitlarda yashashiga, farzandlarimizning barkamol insonlar boʻlib voyaga yetishlariga hissa qoʻshish bizning faoliyatimizning asosini tashkil etadi.
Shu maqsadga partiyamiz aʼzolari butun kuch-gʻayratlarini safarbar etaveradilar.
Shirin YaNGIBOYeVA,
OʻzMTDP tuman Kengashi raisi, xalq deputatlari tuman Kengashi deputati.
(Foto - http://milliytiklanish.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
