ҲЕЧ КИМ МЕҲР ВА ЭЪТИБОРДАН ЧЕТДА ҚОЛМАДИ
Ўзбекистон Республикаси Президентининг 2016 йил 9 февралдаги "Соғлом она ва бола йили” Давлат дастури тўғрисида”ги Қарорини ижро қилиш ҳамда Ўзбекистон Республикаси мустақиллигининг 25 йиллигини муносиб кутиб олиш мақсадида Ўзбекистон Республикаси Соғликни сақлаш вазирлигининг 2016 йил 24 майдаги 198-сонли буйруғига асосан Ташкент шаҳридан Республика ихтисослашган дерматология ва венерология илмий-амалий Тиббиёт маркази директори, тиббиёт фанлари доктори У.Собиров бошчилигида малакали мутахассислар (жарроҳ, терапевт, кардиолог, педиатр, невропатолог, уролог, офтальмолог, акушер-гинеколог, травматолог) иштирокида туманимизда, 2016 йил 31 май куни кўп тармоқли поликлиника биносида чуқурлаштирилган тиббий кўрик ўтказилди.
Тиббий кўрикка Бирлашма бош мутахассислари ҳам жалб қилинди, тиббий кўрикни ўтказиш учун алоҳида хоналар ажратилиб, тегишли тиббий асбоб-ускуналар, жумладан, кўчма флюромашина, электро-кардиограф ҳамда ультратовуш аппаратлари билан таъминланди. Тўшакда ётиб қолган якка-ёлғиз қариялар, ногиронлар, шу жумладан ногирон болалар, туғиш ёшидаги аёллар ва болаларга алоҳида эътибор қаратилди. Тиббий кўрик натижасида касаллик аниқланган 580 беморнинг 393 нафарини амбулатор шароитда, 34 нафарини стационар шароитда туман, Республика тиббиёт муассасаларида ва ихтисослаштирилган марказларда соғломлаштириш тавсия қилинди. 11 нафарига санаторийларда соғлигини тиклашга тавсиялар берилди.
Мазкур тадбирнинг ўтказилиши туманимиз аҳолисининг саломатлигини мустаҳкамлашда, касалликларнинг олдини олишда ва соғлом турмуш тарзини шакллантиришда, тиббий маданиятни янада юксалтиришда муҳим аҳамият касб этади.
Ж.ЯВҚАШЕВ, туман Саломатлик маркази директори.
(Фото - http://uz24.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
