ЖУМУРНИНГ МАРД ЎҒЛОНИ
Бугунги кунда юртимизда ёшларга яратилаётган шарт-шароитлардан оқилона фойдаланиб, катта марралар сари илгарилаётган тенгқурларимиз ютуқларини кўриб, кўз қувонади. Мана шундай ёшлардан бири каратэ-до спорт турининг бир неча турнирлари ғолиби, Жумурнинг мард ўғлони Шоҳруҳ Жумамуродовдир.
У 1999 йил 30 январда туманимизнинг сўлим гўшаларидан бири Жумур овул маҳалласида туғилди. 48-сонли мактабда таҳсил олди. Мактабда ўқитувчилари Муяссар Матмуродова, Раъно Қодирова, Анвар Юсупов, Моможон Матмуродова, Илҳом Қаландаров, Гулбаҳор опа Абдураҳмоновалар сингари зиёлилардан таълим-тарбия олиб, ўқувчилик чоғларидаёқ турли танловларда иштирок этиб, ўз иқтидори билан ўқитувчилари эътиборини тортар эди.
Шоҳруҳ ўқувчилик чоғидаёқ – 2014 йилда Жиззах вилояти Зомин туманида ўтказилган "Ёш автоназоратчилар - 2014”Республика слётида қатнашиб 2-ўрин соҳиби бўлганди.
Илмга қизиқиши уни ҚДУ қошидаги академик лицейга етаклади. У ерда ҳам устозлари Юлдуз Нуржанова, Махсед Полвонов, Гулшод опа Асановалардан таълим-тарбия олиш билан бир қаторда дарсдан бўш пайтлари 3-сон болалар ва ўсмирлар олимпиа заҳиралари мактабида мураббий Рустам Казаков бошчилигида спортнинг каратэ-до тури билан мунтазам шуғуллана бошлади. Шу оз фурсат ичида каратэ-до спорт турининг кўпгина сир-асрорларини ўрганишга муваффақ бўлган Шоҳруҳ бир неча мусобақалар ғолиби ҳамдир. У 2015 йил 2-5 ноябрь кунлари Тошкент шаҳрида ўтказилган каратэ бўйича ёшлар, ўсмирлар ва катталар ўртасида Ўзбекистон кубогида 16-17 ёшлилар орасида 68 кг. вазнда якка кураш баҳсларида 3-ўринни, Қорақалпоғистон Республикаси очиқ кубогида 16-17 ёшлилар орасида 68 кг. вазнда 1-ўринни, 2016 йил 14 февралда эса 2016 йил "Соғлом она ва бола йили” муносабати билан "Соғлом бола – соғлом ва аҳил оила меваси” шиори остида спортнинг шотокан каратэ-до тури бўйича ўтказилган Қорақалпоғистон Республикаси очиқ чемпионатида 1-ўринни ва шу йили 22 май куни Нукус шаҳрида "Соғлом она ва бола” йилига бағишлаб спортнинг каратэ тури бўйича ўтказилган Қорақалпоғистон Республикаси очиқ чемпионатида 16-17 ёшли спортчилар орасида 68 кг. оғирликда кумитэ мусобақаларида 2-ўринни эгаллади.
- Албатта бу ютуқларимнинг барчаси ота-онамнинг дуоси ва ишончи, устозларимнинг берган таълим-тарбияси меваси, деб ўйлайман, - дейди ёш спортчимиз.
Биз ҳам Шоҳруҳга келгуси ўқиш ва ишларида яна ҳам катта зафарлар қучишини тилаб қоламиз.
Динора КАРИМБОЕВА,
Амударё академик лицейи ўқувчиси.
(Фото - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
