JUMURNING MARD OʻGʻLONI
Bugungi kunda yurtimizda yoshlarga yaratilayotgan shart-sharoitlardan oqilona foydalanib, katta marralar sari ilgarilayotgan tengqurlarimiz yutuqlarini koʻrib, koʻz quvonadi. Mana shunday yoshlardan biri karate-do sport turining bir necha turnirlari gʻolibi, Jumurning mard oʻgʻloni Shohruh Jumamurodovdir.
U 1999-yil 30-yanvarda tumanimizning soʻlim goʻshalaridan biri Jumur ovul mahallasida tugʻildi. 48-sonli maktabda tahsil oldi. Maktabda oʻqituvchilari Muyassar Matmurodova, Raʼno Qodirova, Anvar Yusupov, Momojon Matmurodova, Ilhom Qalandarov, Gulbahor opa Abdurahmonovalar singari ziyolilardan taʼlim-tarbiya olib, oʻquvchilik chogʻlaridayoq turli tanlovlarda ishtirok etib, oʻz iqtidori bilan oʻqituvchilari eʼtiborini tortar edi.
Shohruh oʻquvchilik chogʻidayoq – 2014-yilda Jizzax viloyati Zomin tumanida oʻtkazilgan "Yosh avtonazoratchilar - 2014”Respublika slyotida qatnashib 2-oʻrin sohibi boʻlgandi.
Ilmga qiziqishi uni QDU qoshidagi akademik litseyga yetakladi. U yerda ham ustozlari Yulduz Nurjanova, Maxsed Polvonov, Gulshod opa Asanovalardan taʼlim-tarbiya olish bilan bir qatorda darsdan boʻsh paytlari 3-son bolalar va oʻsmirlar olimpia zahiralari maktabida murabbiy Rustam Kazakov boshchiligida sportning karate-do turi bilan muntazam shugʻullana boshladi. Shu oz fursat ichida karate-do sport turining koʻpgina sir-asrorlarini oʻrganishga muvaffaq boʻlgan Shohruh bir necha musobaqalar gʻolibi hamdir. U 2015-yil 2-5-noyabr kunlari Toshkent shahrida oʻtkazilgan karate boʻyicha yoshlar, oʻsmirlar va kattalar oʻrtasida Oʻzbekiston kubogida 16-17 yoshlilar orasida 68 kg. vaznda yakka kurash bahslarida 3-oʻrinni, Qoraqalpogʻiston Respublikasi ochiq kubogida 16-17 yoshlilar orasida 68 kg. vaznda 1-oʻrinni, 2016 yil 14-fevralda esa 2016-yil "Sogʻlom ona va bola yili” munosabati bilan "Sogʻlom bola – sogʻlom va ahil oila mevasi” shiori ostida sportning shotokan karate-do turi boʻyicha oʻtkazilgan Qoraqalpogʻiston Respublikasi ochiq chempionatida 1-oʻrinni va shu yili 22-may kuni Nukus shahrida "Sogʻlom ona va bola” yiliga bagʻishlab sportning karate turi boʻyicha oʻtkazilgan Qoraqalpogʻiston Respublikasi ochiq chempionatida 16-17 yoshli sportchilar orasida 68 kg. ogʻirlikda kumite musobaqalarida 2-oʻrinni egalladi.
- Albatta bu yutuqlarimning barchasi ota-onamning duosi va ishonchi, ustozlarimning bergan taʼlim-tarbiyasi mevasi, deb oʻylayman, - deydi yosh sportchimiz.
Biz ham Shohruhga kelgusi oʻqish va ishlarida yana ham katta zafarlar quchishini tilab qolamiz.
Dinora KARIMBOYeVA,
Amudaryo akademik litseyi oʻquvchisi.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
