САВДО-САНОАТ ПАЛАТАСИ – ТАДБИРКОРЛАР ҲИМОЯЧИСИ
Ўзбекистон Республикаси Президентининг 2004 йил 7 июлдаги "Ўзбекистон Савдо-саноат палатасиниташкил этиш тўғрисида”ги 3453-сонли Фармонига, "Ўзбекистон Республикаси Савдо-саноат палатаси тўғрисида”ги Қонунга ҳамда Ўзбекистон Республикаси Вазирлар Маҳкамасининг 2004 йил 22 сентябрдаги "Ўзбекистон Савдо-саноат палатаси фаолиятини ташкил этишни таъминлаш чора-тадбирлари тўғрисида”ги 441-сонли Қарорига асосан Ўзбекистон Савдо-саноат палатаси ва унинг ҳудудий тузилмалари ташкил этилди. Жумладан 2016 йилнинг декабрь ойида бизнинг туманимиз ҳокимлигида ҳам Қорақалпоғистон Республикаси Савдо-саноат палатаси Амударё тумани Ахборот-маслаҳат маркази ташкил этилиб, ўз фаолиятини бошлади.
Савдо-саноат палатасининг тадбиркорликни ривожлантириш учун қулай шароитлар яратиш, ишчанлик муҳитинитакомиллаштириш, палата аъзоларининг ҳуқуқлари ва қонуний манфаатларини ифода этиш ҳамда ҳимоя қилиш, тадбиркорларнинг чет эллик шериклар билан алоқаларини йўлга қўйишга кўмаклашиш мақсадида ташкил этилгани диққатга сазовордир.
Айни кунда Савдо-саноат палатаси туман Ахборот-маслаҳат марказида Савдо-саноат палатасига аъзо бўлган тадбиркорларга қандай ёрдамлар берилиши, имкониятлар ва бошқада бир қанча қулайликлар яратилиши юзасидан тушунтириш ишлари олиб борилмоқда.
Туман Ахборот-маслаҳат марказига ташриф буюраётган тадбиркорлар Палатанинг тадбиркорларнинг ҳуқуқлари ва қонуний манфаатларини ҳимоя қилиш, уларни хўжалик бошқаруви органлари билан муносабатларда, шунингдек судда қўллаб-қувватлаш, қарздорликни ундиришга ҳуқуқий ёрдам кўрсатиш борасидаги вазифалари билан танишгач, ушбу палатага аъзо бўлиш истагини билдиришмоқда.
Ўзбекистон Республикасининг барча тадбиркорлик фаолияти субъектлари, уларнинг бирлашмалари, шунингдек тадбиркорлик фаолиятини қўллаб-қувватлаш учун тузилган бошқа ташкилотлар ҳам Палатага аъзо бўлиши мумкин.
Палатага аъзолик тадбиркорлик фаолияти субъекти ёки тадбиркорлик фаолияти субъектларининг бирлашмаси ёхуд тадбиркорлик фаолиятини қўллаб-қувватлаш учун тузилган бошқа ташкилот билан Палата ўртасида шартнома тузиш йўли билан расмийлаштирилади.
Мақсадимиз – тадбиркорларни қўллаб-қувватлаш, уларнинг ҳуқуқ ва манфаатларини ҳимоя қилишдан иборат.
Шерзод АБДУЛЛАЕВ,
Қорақалпоғистон Республикаси Савдо-саноат палатаси Амударё тумани Ахборот-маслаҳат маркази бошлиғи, ҳуқуқшунос.
(Фото - http://www.minjust.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
