ФИЛИППИНДАН АМУДАРЁГА БРОНЗА МЕДАЛЬ БИЛАН

  Яқинда Филиппин давлатида ўсмирлар ўртасида бокс бўйича бўлиб ўтган Осиё чемпионатида  туманимиздаги Болалар-ўсмирлар спорт мактабининг "Тўлқин” овулида фаолият юритаётган бокс гуруҳи тарбияланувчиси Шерзод Қодирбоев ҳам қатнашиб, 3 та олтин, 3 та кумуш, 4 та бронза медалини енгиб олиб, умумжамоа ҳисобида биринчи ўринни эгаллаган ўзбекистонликлар ғалабасига муносиб ҳисса қўшди.

Шерзод Қодирбоев 60 килограмм вазн тоифасида кураш олиб бориб, фахрли учинчи ўринни эгаллади ва бронза медаль билан тақдирланди.

Нукус олимпия заҳиралари коллежининг биринчи босқичини эндигина тугатган ёш боксчи бу ғалабаси билан ўз йўналиши бўйича олийгоҳга имтиҳонсиз кириш имтиёзига ҳам эга бўлди.

Оддий қишлоқ ўғлонининг эришган бу натижаси нафақат унинг яқинлари, балки бутун туманимиз халқи учун ҳам фахрдир.

– Шу кунгача ўзим шуғулланаётган гуруҳ аъзолари ичидан Қорақалпоғистон, Ўзбекистон чемпионлари, нуфузли халқаро мусобақалар совриндорлари етишиб чиққан эди. Шерзод илк бор Осиё чемпионатида қатнашиб, бронза медалига сазовор бўлган шогирдим, – дейди унинг мураббийи Азимжон Мухторов қувонч билан.

Ҳамюртларимиз қайд этган қувонарли натижаларни қуйидаги сайтда тўлиқ ўқишингиз мумкин.