ДАРСЛАРИМИЗ ЯНАДА МУКАММАЛ БЎЛАДИ
Ўзбекистон Республикаси Президентининг 2012 йил 10 декабрдаги "Чет тилларни ўрганиш тизимини янада такомиллаштириш чора-тадбирлари тўғрисида”ги қарорига мувофиқ эндиликда таълим муассасаларида чет тилларни ўргатишга эътибор кучайди. Қарорни таълим жараёнига тадбиқ қилиш учун тайёргарлик ишлари барча таълим муассасаларида бошланиб кетди.
Бизнинг 40-сонли умумтаълим мактабимизда ҳам қарор асосида синфлар учун махсус хоналар ажратиш ва уларни жиҳозлаш , болаларнинг ўзига хос хусусиятларини ўрганиш, таълим сифатини янада юқори босқичларга кўтариш ва дарсларга пухта тайёргарлик кўриш каби ишлар бошлаб юборилди. Қарорга асосан жорий ўқув йилидан бошлаб 1-синф ўқувчилари чет тилида ўйинлар ўйнайди, оғзаки сўзлашадилар, 2-синфдан эса алифбо ўқиш ва грамматикани ўрганишга киришадилар.
Албатта бошланғич таълим келгуси таълим босқичларининг асоси бўлиб хизмат қилади. Мактабимизда инглиз тилини ўрганишга бағишланган бурчак ташкил қилинди. Бурчакка ҳар янги сўзлар таржимаси билан ёзиб борилади ва мавзуга мос қизиқарли маълумотлар, кроссвордлар илиб борилади.
Албатта таълим тизимидаги ислоҳотлардан кўзланган мақсад юртимизнинг порлоқ келажагини таъминлаш, маърифатли, мустақил фикрлайдиган ташаббускор ёшларни вояга етказишдан иборатдир.
2012-2013 ўқув йилида "Дарс муқаддас” тадбирининг давоми сифатида "Ўрган-ўргат” тадбири жорий этилди. Ушбу тадбирда мактабимиз ўқитувчилари жадвал асосида очиқ дарслар ташкил қилдилар. Инглиз тили фанидан эса 8 "В” – синфда Олланиёзова Амина "Классик мусиқа ва рақс” мавзусида, 7 "В”–синфда мен "Реклама бу ....” мавзусида намунали очиқ дарслар ўтиб бердик. Дарс жараёнида биз янги педагогик технологиялардан ва ахборот-коммуникацион технологияларидан фойдаланиб дарс олиб бордик. Дарслар жуда қизиқарли бўлиб ўтди.
Шунингдек 2012 йилнинг 11-май куни республика миқёсида узлуксиз таълимни ташкил этиш бўйича кўргазма бўлиб ўтди. Бу тадбирда ҳам фаол иштирок этиб, кўргазмали қуроллардан, карточкалардан ва ахборот-коммуникацион технологиялардан самарали фойдаланиб, 31-мактабнинг 7-синфларида "Орзулар мамлакатига хуш келибсиз” мавзусида дарс ўтдим.
Дарсни бир нечта мактаблардан ўқитувчилар келиб кузатдилар ва ўз тавсияларини бердилар. Дарсларимизни мукаммал ташкил этиш учун келгусида ҳам ҳаракат қилаверамиз.
Саида КАРИМОВА,
40-сонли мактаб инглиз тили фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
