Жайхун илҳомлари
ЎЗБЕКИСТОН
Нурли келажакка йўл олган карвон,
Йўлинг бўлсин осойишта ва равон.
Тинчликни қироат этади забон,
Мангу эртак каби тилда достоним –
Жаҳон ичра буюк Ўзбекистоним!
Олтин, кумуш, қора олтин конинг бор,
Хирмон-хирмон пахта, ғалла–донинг бор.
Дастурхонлар тўла иссиқ нонинг бор,
Мангу эртак каби тилда достоним –
Жаҳон ичра буюк Ўзбекистоним!
Тўмарис-у, Барчинойдай мағрурсан,
Юракларда қадди баланд ғурурсан,
Зулматни ёритган энг ёруғ нурсан,
Мангу эртак каби тилда достоним –
Жаҳон ичра буюк Ўзбекистоним!
Юксак марраларни кўзладинг, юртим,
Фаровонлик томон юзландинг, юртим,
Эзгу сўз, эзгу ўй изладинг, юртим,
Мангу эртак каби тилда достоним, -
Жаҳонни лол этган Ўзбекистоним!
Гулмира Раҳматуллаева,
64-сонли мактаб ўқувчиси.
Сиздек инсон йўқдир, бобожон
Сиздек инсон йўқдир бобожон, буюк,
Сиз биз учун доим азизсиз, суюк.
Бердингиз юртга юксак маънавият,
Ҳуқуқий жамият, олий қадрият.
Азиз Бобожоним, мингдан-минг раҳмат!
Халқ манфаатини ўйлаб ҳар доим,
Ҳар ғариб кўнгилга бердингиз ёрдам.
Адолат йўлини этиб бардавом –
Қолдирдингиз бизга мустақил Ватан.
Азиз Бобожоним, мингдан-минг раҳмат!
Энди мустақилмиз, равон йўлимиз,
Обод бўлаётир ўнг-у сўлимиз.
Халқимиз тинч-тотув, маҳалла обод,
Юрт шаънин кўтарар баркамол авлод.
Азиз Бобожоним, мингдан-минг раҳмат!
Нурсулув ТЎҚЛИБОЕВА,
Амударё агробизнес касб-ҳунар
коллежи ўқувчиси, «Ёш мухбирлар» тўгараги аъзоси.
ТУРНАЛАРНИ СОҒИНИБ...
Куз фаслида “қув-қув” лаб,
Турналар кетиб қолди.
Менинг дилим ҳувуллаб,
Хайр-хўш айтиб қолдим.
Қай юртга кетишдилар,
Юртимдан кетиб нетар?
Билсам, қорли қиш фасли,
Тўғри келмаскан асли.
Майли, омон бўлинглар,
Иссиқ юртга етинглар.
Фасли баҳор келганда,
Яна қайтинг, ўлкамга!
Дилшодбек БИДОШЕВ, 11-сонли мактаб ўқувчиси.
Қиш кечаси
Қиш кечаси. Ҳаммаёқ оппоқ,
Қор тагида қирлар, далалар.
Ҳали кечки совуқ тушмаёқ
Яхлаб қолар гўё ҳаволар.
Кўкда бедор ой-у юлдузлар,
Қишбобо ҳам ҳеч ухлай олмас
У тонггача қишлоқ айланиб,
Ойналарга гул чизиб толмас.
Севара Сафарбоева, Амударё академик
лицейи ўқувчиси.
УНУТМАЙМИЗ!
Сезилмоқда жаҳон шодлиги,
Фарзандлардир Ватан бойлиги,
Улғаймоқда кўп Навоийлар
Улар энди дунё борлиғи.
Ғазаллари дилларга ором
Улашади ҳар бир сония.
Навоийга қулоқ тутинглар,
Етаклайди илм конига.
Гуллар экинг, тупроқни ўпиб,
Илҳом берар хушбўй ҳидлари
Асрларни қолдириб ортда,
Келаяпти шоир номлари.
Сиздир ўша табаррук инсон,
Доноларнинг доносидирсиз
Руҳингиз шод бўлсин ҳар қачон
Унутмайди ўғил-қизингиз.
Дилдора РАЖАБОВА,
«Боғ» маҳалласи.
МИР АЛИШЕР БОБОМЛАР
Ҳар бир сўзи ҳикматли,
Ҳаёт йўли ибратли.
Ҳар кўнгилга азизлар,
Мир Алишер бобомлар.
Ғазал мулкин султони,
Гўзал ҳар бир достони.
Сўз аро буюкдирлар,
Мир Алишер бобомлар.
Дунёга донг таратган,
“Хамса”ни у яратган.
Қуш тилин ҳам билганлар,
Мир Алишер бобомлар.
Иродахон БЕКИМБЕТОВА, 30-мактаб ўқувчиси.
ГУЛ КАБИ
Бил, Навоийдан бағоят манфаат
Кўп эрур кўнгил қўйиб уқсанг фақат.
Ўқисам бўлди дема, такрор кўр,
Юзаки юзланма-чин юз бор кўр.
Ёд тутиб юргин ўгит – пандин яқин,
Қайдадир қаймоқ асар андин яқин.
Ҳикматин қалбда авайла мулк каби,
Жонингга жонон айлаб гул каби!
Жумабой ҲИДОЯТОВ,
«Жайхун илҳомлари» ННТ аъзоси.
ТАБИАТНИ АСРАЙЛИК!
Инсон ўзи шунақа,
Истаганин бажарар.
Табиатга гоҳида,
Ҳатто озор етказар.
Баъзилар беҳудага,
Дарахтларни кесади.
Сўлим боғлар қўйнида,
Хазонларни ёқади.
Боғчада ва мактабда,
Ўргатишар одобни.
Меъёр бор табиатда,
Деган илм-у китобни.
Қанча кўп ўқиса-да,
Айримлар ҳеч уқмайди.
Кузда, баҳор фаслида,
Битта кўчат экмайди.
Ахлат ташлар сувларга,
Уйиб қўяр йўлларга.
Боғларда ёқиб хазон,
Заҳар сочар дилларга.
Келинг, дўстлар бирлашиб,
Кўп-кўп кўчат экайлик.
Ақл билан ўйлашиб,
Соф ҳаво яратайлик!
Отаназар АҲМЕДОВ,
64-сонли мактаб ўқувчиси.
Анор
Мен анорман, дурдона,
Мағзим тўқ, дона-дона,
Бағрим тўла дармон бор,
Зўр меваман доривор.
Бошимда бордир тожим,
Мисли ёқут маржоним.
Дастурхон зийнатиман,
Боғбоннинг ҳимматиман.
Шаҳло Иброҳимова,
14-сонли мактаб ўқувчиси.
ИСЛОМ БОБОМ
Буюклар ичра буюк,
Бобомлар ичра суюк.
Ислом бобом қурган Юрт–
Барча юртлардан буюк.
Суратингиз хонамда,
Боқиб турар мулойим.
«Ақлли бўл, болам», деб,
Уқтирасиз Сиз доим.
Яхши ўқиб, бобожон,
Ишончингиз оқлайман.
Йўлимизда зўр имкон,
Изланишдан толмайман!
Маҳлиё БОЗОРБОЕВА, 78-мактаб ўқувчиси.
УМИД
Умидлар кўксида юраман учиб,
Орзулар осмони бағрига чорлар.
Ишончлар елканин маҳкамроқ тутиб,
Учаман, йўлимда порлар чироқлар.
Сен менга эслатма ўтган кунларни,
Ортимда қолсин у мудҳиш туш каби,
Сени кўрганимда мудроқ ҳисларни,
Уйғотиб, кел яна навбаҳор каби.
Соғинчдан сўз айтсин ўшанда кўзлар,
Ширин хотиралар дилларни силаб.
Муҳаббат шавқидан яшнасин юзлар
Яхшилар келсинлар бахтимиз тилаб.
Адолат Султонова, Мелиорация ва сув хўжалиги касб-ҳунар коллежи кимё фани ўқитувчиси.
ТАБИАТНИ АСРАЙЛИК!
Инсон ўзи шунақа,
Истаганин бажарар.
Табиатга гоҳида,
Ҳатто озор етказар.
Баъзилар беҳудага,
Дарахтларни кесади.
Сўлим боғлар қўйнида,
Хазонларни ёқади.
Боғчада ва мактабда,
Ўргатишар одобни.
Меъёр бор табиатда,
Деган илм-у китобни.
Қанча кўп ўқиса-да,
Айримлар ҳеч уқмайди.
Кузда, баҳор фаслида,
Битта кўчат экмайди.
Ахлат ташлар сувларга,
Уйиб қўяр йўлларга.
Боғларда ёқиб хазон,
Заҳар сочар дилларга.
Келинг, дўстлар бирлашиб,
Кўп-кўп кўчат экайлик.
Ақл билан ўйлашиб,
Соф ҳаво яратайлик!
Отаназар АҲМЕДОВ,
64-сонли мактаб ўқувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
