ОЧИҚ ЧЕМПИОНАТ ҒОЛИБЛАРИ – ТУМАНИМИЗ ВАКИЛЛАРИ
Шу йилнинг 25 февралида Беруний тумани LEADER карате клубининг очиқ чемпионати бўлиб ўтди. Республикамиз туманларидан ва Хоразм вилоятидан 150 нафардан зиёд кучли каратэчилар иштирок этган ушбу очиқ чемпионатда амударёлик ёш спортчилар қувонарли муваффақиятларни қўлга киритишди.
Болалар-ўсмирлар спорт мактабининг каратэ WKF тажрибали мураббийи Адҳам Иброҳимовнинг шогирдлари яккалик ва жамоа кумитэ баҳсларида ўз иқтидорларини намойиш этишди. Жамоанинг энг ёш иштирокчиси Мансурбек Отажонов 6-7 ёшлилар орасида биринчи,12-13 ёшли 40 килограмм вазн тоифасидагилар орасида Отабек Отажонов биринчи, Жўрабек Отажонов эса иккинчи ўринни эгаллади.
Шунингдек Отабек Отажонов, Улуғбек Отажонов, Жўрабек Отажоновлар 14-15 ёшли ўғил болалар жамоа кумитэ баҳсида ҳаммадан кучли эканлигини намойиш этиб, биринчи ўринни енгиб олишди.
Ғолиб каратэчилар март ойи охирларида ўтказилиши режалаштирилаётган Ўзбекистон чемпионатида ҳам яхши натижаларга эришиш учун қизғин тайёргарлик кўришмоқда.
О.РАЖАБОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
