Бағрикенглик тамойилига мувофиқ
Мамлакатимизда фуқароларнинг эмин-эркин, бахтиёр ва фаровон яшашлари учун барча шароитлар бор. Уларнинг ҳуқуқлари, манфаатларини ҳимоя қилиш борасида яратилган қонуний меъёрлар оғишмай амалга оширилмоқда.
Қонунчилигимизга ҳам сингиб кетган бағрикенглик, кечиримлилик тамойиллари асосида билиб-билмай адашиб қолган, ўз хатоларидан тегишли хулоса чиқарган фуқароларимиз жазодан озод этилмоқда, жазо муддатлари қисқартирилмоқда.
Ўзбекистон Республикаси Олий Мажлиси Сенатининг 2013 йил 12 декабрдаги "Ўзбекистон Республикаси Конституцияси қабул қилинганлигининг йигирма бир йиллиги муносабати билан Амнистия тўғрисида”ги қарорига мувофиқ амалга оширилаётган саъй-ҳаракатлар ҳам шулар жумласидандир. Мазкур қарорга мувофиқ туманимизнинг 5 нафар озодликдан маҳрум қилинган фуқароси муддатидан олдин жазони ўташ жойидан озод бўлиб келишди ва туман ҳокимлиги қошидаги ижтимоий кўникиш марказида рўйхатдан ўтишди.
Мазкур марказ жазони ўташ жойидан озод қилинган шахсларни ишга жойлаштириш ва уларнинг келгусида такрорий жиноят содир этишининг олдини олиш, жамоатчиликка қўшилиб, ижтимоий ҳаётга кўникиб кетишларини таъминлаш мақсадида овул, маҳаллалар йиғинлари ходимлари билан ҳамкорликда иш олиб бормоқда.
Шунингдек, жазони ўташ жойидан озод қилинганларга туман ҳокимлиги ҳузуридаги, ижтимоий кўникиш маркази томонидан бир марталик ёрдам пули белгиланган тартибда берилмоқда.
Шу кунгача мурожаат қилган 5 нафар фуқарога жами 2 миллион 690 минг 942 сўм миқдорида моддий ёрдам пули "Халқ банки” туман филиали томонидан тўланди.
Амнистия қарорига асосан жазони ижро этиш муассасаларидан озод этилган 5 нафар фуқаронинг барчаси тиббий кўрикдан ўтказилиб, соғлиги назорат қилинди ва барчаси ҳам меҳнатга лаёқатли, деб топилди.
Айни кунда уларнинг 3 нафари мустақил равишда, 2 нафари аҳолини ижтимоий муҳофаза қилиш ва бандликка кўмаклашиш маркази томонидан яратилган квота ўринларига ишга жойлашишди.
Туман ички ишлар бўлими, ўзини-ўзи бошқариш органлари ҳамкорликда озодликка чиқарилган фуқароларни назоратсиз қолдирмаслик, қайта жиноят қўчасига кириб қолишининг олдини олиш борасида тизимли иш олиб бормоқда.
Фархад Алламбергенов,
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
