“БАЙРОҒИМИЗ-ФАХРИМИЗ, ҒУРУРИМИЗ”
1992 йил 14 декабрь Қорақалпоғистон Республикаси тарихига зарҳал ҳарфлар билан битилган муҳим саналарнинг биридир.
Шу куни Қорақалпоғистон Республикасининг Давлат байроғи тўғрисида”ги Қонунга асосан Қорақалпоғистон Республикаси Жўқорғи Кенгесининг ХI сессиясида Қорақалпоғистон Республикаси давлат рамзларидан бири – байроғи қабул қилинди.
Байроқ ўзида қорақалпоғистонликларнинг асрий орзу-истакларини, ғайрат-шижоатини, тинчликсеварлигини ва ўзига хос меҳмондўстлигини мужассам этгани билан ҳам жуда азиз ва қадрлидир. Шунинг учун ҳам 14 декабрь санаси бутун республика бўйлаб Қорақалпоғистон Республикаси давлат байроғи қабул қилинган кун сифатида кенг нишонланади.
Шу йилнинг 13 декабрида туманимиздаги 82-сонли мактабда ҳам сана муносабати билан “Байроғимиз – фахримиз, ғуруримиз” деб номланган маънавий-маърифий тадбир бўлиб ўтди.
Тадбирга мактабнинг юқори синфлари ўқувчилари, шунингдек, Иқтсодиёт коллежи ўқувчилари иштирок этдилар. Унда дастлаб 82-сонли мактаб директорининг маънавият ва маърифат ишлари бўйича ўринбосари Моҳира Юсупова Қорақалпоғистон Республикаси Давлат байроғи ва унда акс этган маъно-мазмун ҳақида маъруза қилди. Қорақалпоғистон Республикасининг давлат байроғи миллий-маданий анъаналаримизни, қорақалпоқ халқининг тарихи ва келажагини размий тимсоллар воситасида акс эттиргани, республика тимсоли бўлгани билан Қорақалпоғистон Республикасида яшовчи ҳар бир фуқаро учун қадрли ва азиз эканлиги таъкидланди.
Давлат байроғи Қорақалпоғистон Республикаси ҳудудида Ўзбекистон Республикаси Давлат байроғи билан бир қаторда давлат идоралари, муассасалари, ўқув юртлари пештоқида ҳилпираб туриши, республика аҳолисининг юксак орзу-ниятларини ёрқин ифода этиши барчагамизга фахр-ифтихор бахш этади. Байроқ қорақалпоғистонликларнинг шон-шарафи, тарихий хотираси ва интилишларини ўзида ифода этиб, тинч ва осойишта, фаровон ҳаётга бўлган ишончи рамзидир.
Тадбирда ўқувчи-ёшлар Қорақалпоғистон Республикаси Давлат байроғини, озод юртимизни, ёрқин келажакка бўлган ишончни ифодаловчи шеърлар ижро этдилар.
Тадбир ўқувчи ёшлар қалбида Қорақалпоғистон Республикаси Давлат байроғига ҳурмат ҳиссини янада юксалтиргани билан аҳамиятли бўлди.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
