ЯНГИ ИСЛОҲОТ СУД-ҲУҚУҚ ТИЗИМИ РИВОЖИГА ХИЗМАТ ҚИЛАДИ
Мамлакатимизда суд-ҳуқуқ тизимида амалга оширилаётган ислоҳотлар туфайли қонунчилик асослари мустаҳкамланмоқда, суд тизими тузилмаси тубдан такомиллаштирилмоқда. Натижада судлар фаолиятида шаффофлик ва очиқлик таъминланмоқда.
Суд ҳокимиятининг мустақиллиги принципига риоя қилиш, судларни моддий-техника жиҳатидан ва молиявий таъминлаш мақсадида Олий суд ҳузурида судлар фаолиятини таъминлаш департаменти тузилди.
Мамлакатимизда суд-ҳуқуқ соҳасида амалга оширилаётган янгиланиш ва ўзгаришларда дунёнинг тараққий этган давлатларининг бу борадаги илғор тажрибаси ҳар томонлама чуқур ўрганилиб, миллий тизимимизга муваффақиятли татбиқ этилмоқда.
Президентимизнинг 2020 йил 3 сентябрда қабул қилган “Суд ҳокимияти органлари фаолиятини рақамлаштириш чора-тадбирлари тўғрисида”ги Қарори эса судлар фаолиятига замонавий технологияларни кенг жорий этишни назарда тутади ва шу асосда фуқаролар ва тадбиркорлик субъектларига ўз ҳуқуқлари, манфаатларини ҳимоя қилиш учун судга мурожаат қилишни эркинлаштириш, судлар фаолиятида очиқлик ва шаффофликни таъминлашни яхшилашга хизмат қилади.
Судларда аввал ишларни кўришда вазирлик ва идоралар билан маълумот алмашинуви асосан қоғоз шаклида амалга оширилган. Шунинг учун ҳам мазкур қарорга мувофиқ судлар фаолиятини рақамлаштириш судлар ва бошқа идоралар ўртасида маълумот алмашинувини яхшилаш, судларга масофадан туриб мурожаат қилиш имкони яратилмоқда.
Суд ҳокимияти органлари фаолиятини рақамлаштиришнинг навбатдаги босқичларида фуқаролар ва тадбиркорлик субъектларига кўрсатиладиган интерактив электрон хизматлар турини кенгайтириш, ҳар бир мурожаатни кўриб чиқиш жараёнининг онлайн кузатиб борилишини таъминлаш, судларда одил судловни амалга ошириш учун зарур бўлган маълумотларнинг тезкорлик билан олинишини таъминлаш учун вазирликлар, идоралар, ташкилотлар билан электрон маълумотлар алмашинувини кенгайтириш, суд мажлисларида масофадан туриб, жумладан, мобиль қурилмалар ва электрон ҳамкорликнинг бошқа шакллари орқали иштирок этишини таъминлаш каби қатор вазифалар белгиланди.
Шубҳасиз, суд-ҳуқуқ тизимига татбиқ этилаётган “Суд ҳокимияти органлари фаолиятини рақамлаштириш чора-тадбирлари тўғрисида”ги Юртбошимизнинг қабул қилган Қарорини амалиётга татбиқ этиш келгусида соҳада сифат ўзгаришларига эришишга замин бўлади.
Ў.СОБИРОВ, Қорақалпоғистон Республикаси Иқтисодий суди судьяси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
