ЯНГИ АВТОМОБИЛЬ ОЛИШНИ ИСТАСАНГИЗ, “НУКУС АВТОСАВДО” МЧЖНИНГ МАНҒИТ ФИЛИАЛИ ХОДИМЛАРИ ЁРДАМ БЕРАДИ
Тадбиркор – элга мададкор, дейди доно халқимиз. Чунки тадбиркорлар сафи ошган сари эл-юрт фаровонлашиб, халқимизнинг оғири енгиллашиб бораверади. Буни юракдан ҳис қилган тадбиркорлар ўзлари фаолият бошлаган йўналишлар бўйича халққа самарали хизмат кўрсатишга бел боғлашган. Бундай эзгу ниятлар билан яшаётган тадбиркор инсонлар туманимизда талайгина.
Тадбиркорлик билан шуғулланиб келаётган амударёлик Хуршид Пирманов ҳам кўпдан бери ўйлаб юрган режасини амалга ошириб, Олмазор маҳалласи ҳудудида “Нукус автосавдо” масъулияти чекланган жамиятининг Манғит филиалига қарашли автосалон ташкил этди. Филиалнинг асосий вазифаси мамлакатимизда ва хорижий давлатларда ишлаб чиқарилган автомобилларни буюртмачи-мижозлар талаб ва истаклари асосида туманимизга олиб келиш ва филиал орқали автосавдони амалга оширишдан иборат.
Бунда биринчи навбатда харидорнинг талаблари инобатга олинади. Шунингдек, мижозларга харид қилинадиган автомобилни сифатига, нархига қараб танлаш имконияти берилади. Шу билан бирга автосалон филиали автомобиль хариди қулай бўлишини, ортиқча оворагарчиликларнинг олди олинишини таъминлайди.
Мазкур филиал ташкил этилиши билан иккита ишчи ўрни яратилди. Яна икки-уч ойдан сўнг, яъни 2021 йилдан бошлаб филиал қошида автомобилларга техник хизмат кўрсатиш йўналишини ҳам йўлга қўйиш режалаштирилган. Ушбу йўналиш ташкил этилиши билан филиалда яна икки ишчи ўрни яратилиб, икки нафар аҳоли доимий иш билан таъминланади. Филиал биносида мижозлар учун барча зарур шарт-шароитлар яратилган. Икки қаватли кўркам бинода ўз фаолиятини бошлаган “Нукус автосавдо” масъулияти чекланган жамиятининг Манғит филиали илк иш куниданоқ дастлабки мижозларни қабул қилиш ва уларнинг талаб-истакларини ўрганиш ишларини бошлаб юборди.
Эндиликда туманимиз аҳолиси ўзлари хоҳлаган автомобилларни сотиб олиш учун Нукус шаҳридаги дилерлар офисларига бориб юрмайдиган бўлишди. Чунки филиалга келиб, ўзи хоҳлаган русумдаги автомобиль сотиб олишни билдиришса, ариза билан мурожаат қилишса бас, филиал ходимлари зудлик билан ишга киришадилар ва мижозларнинг аризасида қайд этилган русумдаги автомобилни харид қилиш учун шартнома тақдим қиладилар.
Филиал раҳбарияти мавжуд имкониятлардан унумли фойдаланган ҳолда халқимизга муносиб хизмат кўрсатиш, яна янги фаолият турларини ҳам ташкил этишни режалаштиришган.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
