ТЎҒРИ ОВҚАТЛАНИШ – ЖИСМОНИЙ ФАОЛЛИК ВА СОҒЛОМ ҲАЁТ АСОСИ

Республикамизда тўғри овқатланиш ва соғлом турмуш тарзи масаласига давлат сиёсати даражасида аҳамият қаратилмоқда.

Президентимизнинг 2020 йил 10 ноябрдаги “Аҳолининг соғлом овқатланишини таъминлаш бўйича қўшимча чора-тадбирлар тўғрисида”ги 4887-сонли Қарори билан 2022 йилга қадар юқумли бўлмаган касалликлар профилактикаси, соғлом овқатланиш, соғлом турмуш тарзини қўллаб-қувватлаш ва жисмоний фаоллик даражасини ошириш бўйича чора-тадбир ишлаб чиқилиб, тасдиқланди.

Президент Қарорининг ижросини таъминлаш мақсадида 2021 – 2022 ўқув йилидан бошлаб мактабгача таълим ташкилотларида “Шахсий гигиена ва жисмоний тарбия асослари” машғулотлари, умумий ўрта таълим мактабларида 1-4-синфлар учун Тарбия ва Атрофимиздаги олам фанлари, юқори синфлар учун биология фани таркибида тўғри овқатланиш ва соғлом турмуш тарзини шакллантириш бўйича “Саломатлик сабоқлари” мавзулари киритиладиган бўлди.

Гоҳида турмуш ташвишлари деб вақтида овқатланиш тартиби бузилади. Шунинг учун ҳар қандай шароитда ўз вақтида овқатланиш зарур.

Овқатланиш жараёнида турли маҳсулотлардан тўғри фойдаланишни ўрганиш муҳим аҳамиятга эга.

Табиий маҳсулотлар истеъмоли касаллик келтирувчи омилларни енгиб ўтишга кўмаклашади.

Шунингдек, бадантарбия билан шуғулланиш, очиқ ҳавода кўпроқ пиёда юришнинг ҳам аҳамияти муҳим. Тўғри овқатланиш ва бадан тарбия ўз наслимизни ҳимоя қила билишимиздир.

Хулоса шуки, тўғри овқатланиш маданиятига эътибор бермасак, нафақат касаллик кўпайишига, балки, наслимизнинг бузилишига ҳам сабабчи бўламиз.

Ж.ЯВҚАШЕВ, Аҳоли соғлом турмуш тарзини қўллаб-қувватлаш ва жисмоний фаоллигини ошириш Маркази туман бўлими мудири.