ХАЛҚЛАР ДЎСТЛИГИ – МИЛЛАТИМИЗ КЎРКИ

Бизнинг халқимиз кўп миллатли халқ, ягона оилада, энг кичик гуруҳларда ҳам ўз она тилида гаплашиш, унинг тарихи, маданияти ва урф-одатларини эъзозлаш ҳуқуқини давлатимиз қонуний тасдиқлаб, имкон яратиб бериб қўйибди.

Барча халқларнинг урф-одатлари ва анъаналарига ҳурмат назари билан қараган ҳолда ўз она тилимизнинг имлосини, адабиётимизни истаганча ўрганмоқмоқдамиз. Бу борада адабий-бадиий тадбирлар ўтказилмоқда.

Мана шундай тадбирлардан бири 8 февраль куни 45-сонли умумтаълим мактабида бўлиб ўтди.

Кечада қозоқ синфи ўқувчилари қозоқ халқининг  буюк адиби Муқағалий Мақтаевнинг 90 йиллик юбилей тантанасини нишонлаш учун йиғилишди. Кечага ота-оналар, мактабнинг собиқ ўқитувчилари ҳам таклиф қилинди.

Кечани мактаб директори Гулойим Қаландарова кириш сўзи билан очиб берди.

Адибнинг ҳаёт йўли, ижоди ҳақидаги маърузалар тингланди. Ўқувчи-ёшлар  шоирнинг шеърларидан намуналар ўқидилар. Айниқса, шоирнинг «Аққулар уқтағанда» шеърий драмаси ғоятда таъсирли бўлди. Она сиймоси, унинг фарзанд учун изтироблари маҳорат билан кўрсатиб берилди.

Шоирнинг шеърлари ўқувчилар ва ота-оналар томонидан дўмбира жўрлигида жуда ҳам маромига етказилиб ижро этилди.

Кеча иштирокчилари шоирнинг ижод маҳсуллари билан янада яқинроқ танишдилар.

Кечани мактабнинг қозоқ тили ва адабиёт фани ўқитувчиси Зайнаб Елавова ва бошланғич синф ўқитувчиси Гулнур Бекмуратовалар тайёрладилар. Бундан ўқувчиларнинг ота-оналари жуда мамнун бўлишди ва кўтаринки кайфият билан кеча ташкилотчиларига миннатдорчилик билдирдилар.

Мана шундай кечалар тез-тез ташкил этилиб турса, ўқувчилар ҳар бир адиб ҳақида янада чуқур маълумотларга эга бўлар, шоирлар ҳаётига яқиндан ёндашар эди. Қолаверса, мактаб, оила ва маҳалла орасидаги ўзаро муносабат ришталари янада мустаҳкам бўлар эди.

***

25-сонли мактабгача таълим масканида 30 январь куни тарбияланувчиларнинг ота-оналари ва тарбиячилар ҳамкорлигида навбатдаги ота-оналар йиғилиши бўлиб ўтди.

Йиғилишда таълим масканининг мудири Бахтиёр Эшимбетов бола тарбиясида ота-она ва болалар муассасанинг ўрни ва аҳамияти, ундаги тарбия интизоми, шарт-шароитлар ҳақида гапирди. Шунингдек, МТТ ҳамшираси Тамара Усенбоева болаларнинг озодалиги ва витаминларга бой озиқ-овқатлар билан тўғри, вақтида овқатланиши соғлом фарзанд тарбиясида муҳим ўрин эгаллашини таъкидлади.

Ота-оналар номидан Дилбар Ақманова гапириб, қачонки маҳалла, оила ва тарбиячилар ҳамжиҳатликда иш олиб борсалар, давр руҳига мос фарзандлар тарбияланиши, жамиятимиздаги ҳар бир инсон фарзанд тарбиясига масъуллик туйғуси билан ёшдашиши зарурлигини, ота-оналар фарзанд тарбиясига бефарқ бўлмаслиги кераклигини қайд этди.

- Уларнинг ҳар бир ҳаракати ва қизиқишини эътибордан четда қолдирмай огоҳ бўлсак, бу борада кўзланган мақсадимизга эришамиз, -  деди у.

Музокараларда сўзга чиққан ота-оналар фарзандлари тарбия топаётган маскан ходимларига ўз миннатдорчилигини билдирдилар.

Яқинда мазкур МТТ тарбияланувчиларидан икки нафари Қорақалпоғистон Республикаси Мактабгача таълим вазирлиги томонидан ўтказилган жажжи рассомлар танловида фахрий ёрлиқ билан тақдирланганидан ота-оналар мамнун бўлдилар.

Йиғилиш ўзаро ҳамжиҳатликда ўтди ва тегишли қарорлар қабул қилинди.

Жумагул ҚЎШЖАНОВА, меҳнат фахрийси.