ТИББИЁТ БИРЛАШМАСИДА «БИЗ ТАМАКИСИЗ ҲУДУДНИ ТАНЛАЙМИЗ» ШИОРИ ОСТИДА ТАДБИРЛАР ЎТКАЗИЛДИ
Президентимизнинг 2020 йил 30 октябрдаги Соғлом турмуш тарзини ҳаётга кенг тадбиқ этиш ва оммавий спортни янада ривожлантириш чора-тадбирлари тўғрисидаги Фармонида белгиланган вазифаларни ижро этиш мақсадида ва Қорақалпоғистон Соғлиқни сақлаш вазирлигининг тегишли топшириғига кўра зарарли одатларга қарши кураш ойлиги ташкил этилди. Ойлик доирасидаги «Биз ёшлар зарарли одатларга қаршимиз» ҳафталигида Тиббиёт бирлашма ишчи-ходимлари иштирокида «Биз тамакисиз ҳудудни танлаймиз» шиори остида нафас гимнастика машқлари, оммавий юриш тадбирлари, “Биз тамакисиз ҳудудни танлаймиз” декларациясини қўллаб-қувватлаш учун имзоларни тўплаш станцияси бўлиб ўтди.
Манғит Деҳқон бозори ҳудудида антрапометрик ўлчовларни ўтказиш, семизлик даражаси ва вазн индексини аниқлаш ҳамда натижаларидан келиб чиқиб, тушунтириш ишларинии олиб борувчи саломатлик майдончаси станцияси ҳамда 1-сонли мактабгача таълим ташкилотида тўғри овқатланиш тамойилларига риоя қилиш тавсияларини бериш бўйича соғлом овқатланиш ярмарка станцияси ташкил қилинди.
Тиббиёт бирлашмасининг спорт тарғиботчиси И.Нуримбетов, шифокорлардан М.Эрназаров, Т.Саидовалар тадбир иштирокчиларига эрталабки бадантарбия, гимнастика ва фаол юриш меҳнат қобилиятини, саломатлигини сақлаб қолмоқчи бўлган, чинакам ва шодон ҳаёт кечиришни хоҳлаган ҳар бир одамнинг кундалик турмушдан мустаҳкам ўрин олмоғи лозимлиги тўғрисида тушунчалар берилди. Шу билан бирга соғлом овқатланиш, таркибида туз, қанд ва хамирли таомларни меъёридан ортиқча истеъмол қилмаслик, зарарли одатларга берилмаслик тамаки, нос каби иллатлардан йироқ бўлиш, уларнинг инсон организмига салбий таъсири, юрак-қон томир тизими касалликларидан инсульт, инфаркт, қандли диабет, ортиқча вазн каби омиллар пайдо бўлиши, оғир хасталикларга олиб келиши батафсил мисоллар билан тушунтирилди.
Тадбирда иштирок этган 200 нафарга яқин фуқаролар ўзларини қизиқтирган саволларга батафсил жавоблар олдилар ва саломатликни асраш тўғрисидаги қизиқарли маълумотларга эга бўлдилар.
Ж. Явкашев, АСТТҚҚ ва ЖФО маркази бўлими мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
