Томорқадан унумли фойдаланишга бағишланган семинар бўлиб ўтди
2. Бугунги кунда мамлакатимизда томорқадан унумли фойдаланиш, йилнинг тўрт фаслида ҳам арзон, ҳам сифатли мева-сабзавот ва полиз маҳсулотлари етиштиришга алоҳида эътибор қаратилиб, бу борада кенг қамровли ислоҳотлар олиб борилмоқда.
Амударё тумани фермер, деҳқон хўжаликлари ва томорқа ер эгалари кенгаши томонидан ҳам аҳоли томорқаларидан самарали фойдаланиш борасида қатор ишлар амалга оширилмоқда. Жорий йилнинг 12 июнь санасида туманимиздаги Бобур номли овулда томорқаданунумли фойдаланиш борасидаги ислоҳотлар, қилиниши лозим бўлган вазифаларга бағишланга семинар бўлиб ўтди. Семинарда Қорақалпоғистон Республикаси фермер, деҳқон хўжаликлари ва томорқа ер эгалари кенгаши раиси ўринбосари Дуйсенбай Отарбоев, Амударё фермер, деҳқон хўжаликлари ва томорқа ер эгалари кенгаши мутахасисси Жавлон Ражабов ҳамда Бобур овули худудидаги кўча бошчилари, маҳалла фаоллари иштирок этдилар.
Семинарда давлатимиз раҳбари томонидан жорий йил 1 апрель санасида имзоланган “Деҳқон хўжалиги тўғрисида”ги қонуннинг мазмун-моҳияти хақида кенг тушунчалар бериб ўтилди. Шунингдек, тажрибали томорқа ер эгалари семинар иштирокчиларига ўзларининг узоқ йиллар давомида томорқадан фойдаланиш борасидаги тажрибалари билан ўртоқлашдилар.
Таъкидланганидек, “Деҳқон хўжалиги тўғрисида”ги қонунга кўра, 18 ёшга тўлган, муомалага лаёқатли бўлган, ўзига деҳқон хўжалигини юритиш учун ер участкаси мерос қилиб қолдириладиган умрбод эгалик қилиш ёки ижара ҳуқуқи асосида берилган Ўзбекистон фуқароси ёки Ўзбекистон ҳудудида доимий яшовчи фуқаролиги бўлмаган шахс деҳқон хўжалиги бошлиғи бўлиши мумкин. Шунингдек, қонун билан белгиланганидек, деҳқон хўжаликларидан давлат божи ва йиғим ундирилмайди, деҳқон хўжалигини юритиш учун 6 сотихдан 1 гектаргача бўлган ўлчамда ер участкалари берилади, қишлоқ хўжалигига мўлжалланган ерларнинг асосий экиндан бўшаган қисми 6 сотихдан 10 гектаргача бўлган ўлчамда бир йилгача бўлган муддатга иккиламчи ижарага берилиши мумкин, берилган ер участкасидан фақат қишлоқ хўжалиги маҳсулотлари етиштириш учун фойдаланилиши керак.
Қолаверса, деҳқон хўжалиги ўз ихтисослашувини, шу жумладан, қишлоқ хўжалиги экинларининг турлари ва ҳажмларини, уларни етиштириш ҳамда агротехник тадбирларни ўтказиш усулларини мустақил равишда белгилайди. Ўзи ишлаб чиқараётган қишлоқ хўжалиги маҳсулотларига бозордаги талаб ва таклиф нисбатидан келиб чиқиб мустақил равишда нархлар белгилайди.
Семинарда маълумот тариқасида қайд этилишича, туманда жами 39 минг 583 та томорқа ер эгалари мавжуд бўлиб, уларда 6 минг 652 гектар экин ерлари мавжуд бўлиб, 2021 йил май ойи ҳолатига кўра 5 минг 513 гектар ер майдонига эртаки экин экиш ишлари ниҳоясига етказилган. Бугунги кунда аҳоли томорқаларида 13,9 гектар томорқа ер майдонида 1183 та иссиқхоналар мавжуд.
2021 йилда тумандаги маҳаллаларни "Бир маҳалла - бир маҳсулот" тамойили асосида жами 49 маҳаллалар ихтисослаштириш ҳамда жами 14 та маҳаллада, шундан 8 та гавжум маҳаллаларда енгил конструкцияли “дала дўконлари” ва кичик сиғимли музлаткич омборлар қуриш режалаштирилган.
Семинар очиқ мулроқот тарзида ўтказилди. Иштирокчилар ўзларини қизиқтирган саволларга жавоблар олдилар.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
