Хавфли вирусни юқтириб олишдан сақланинг
Коронавирус дея ном олган бало нафақат халқимиз, дунё мамлакатлари аҳолиси бошига ҳам ўта оғир кунларни солди.
Аммо ташвишли кунлар ортда қолди. Аҳиллик, ҳамжиҳатлик, қатъий интизом асосида амалга оширилган режали тадбир ва муолажалар ўз самарасини берди. Коронавирус инфекциясининг ўчоғи секин-аста сўна бошлади. Аммо бу ундан халос бўлдик, дегани эмас. Қолаверса, мамлакатимиз бўйича кунига 200-300 нафар атрофида одамларнинг коронавирус инфекциясига чалинаётганлиги бизни янада огоҳ, ҳушёр, сергак, интизомли бўлишга ундамоғи зарур ва шарт.
Тезкор жараёнда мамлакатимизга, шу жумладан, туманимизга ҳам биринчи ва иккинчи босқичи учун Astra Zeneka вакцинасидан 3200 доза, ўзбек-хитой (ZF-UZ-VAC2001) вакцинасидан 8500 доза олиб келинди.
Ҳозирги кунда 24686 нафар аҳолини босқичма-босқич эмлаш режалаштирилган бўлса, шундан биринчи босқичда 6831 нафар, иккинчи босқичда 2293 нафар аҳоли қатламида эмлашни самарали ўтказишга муваффақ бўлдик. Биринчи ва иккинчи босқичда эмлаш олган аҳоли қатламида уч кунлик патронаж кузатувлари йўлга қўйилди. Эмлашдан сўнг, ножўя ҳолатлар кузатилганлиги ҳақида мурожаатлар келиб тушмади.
Юртимизда нишонланаётган байрам тадбирлари, тўй ва маросимларда ҳам ниқоб тақиш, қўлларимизни ҳимояловчи воситалар билан зарарсизлантириш, оралиқ масофани сақлаш каби қоидаларга қатъий риоя этсак, энг аввало, ўзимиз, оила аъзоларимиз, халқимизни коронавирус инфекцияси юқишидан асраган бўламиз.
М.АМАНКУЛОВ, туман СЭО ва ЖС бўлими врач-эпидемиологи.
Б.Матмуродова, бўлим ҳуқуқшуноси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
