Санъатсевар ёшлар
Санъат – машаққатли меҳнат, тинимсиз машқ ва такрорлашни талаб қиладиган мураккаб соҳа. Кейинги йилларда санъат соҳасига меҳр қўйиб, уни пухта эгаллашга интилаётган ёшлар сафи тобора ортаётгани кишини қувонтиради.
82-сонли мактабнинг 8-синф ўқувчиси Т.Собиров ва 5-синф ўқувчиси С.Йўлдошевлар ҳам мусиқа, санъат оламига дадил кириб келаётганлардан.
Жорий йил 17 май куни туманимизда “Ёшларни қўллаб-қувватлаш ва аҳоли саломатлигини мустаҳкамлаш йили” муносабати билан ўтказилган “Янги истеъдодлар” кўрик-танловида эстрада йўналишида фаол қатнашдилар. Танловнинг ҳудудий босқичида ғолиб бўлган Т.Собиров туман босқичида ҳам муваффақиятли иштирок этиб, 2-ўринни эгаллади. С.Йўлдошев эса фаол иштироки учун рағбатлантирилди. Улар туман Маданият бўлимининг Фахрий ёрлиғи ва эсдалик совғалари билан тақдирланди.
Ҳозирда улар “Баркамол авлод” болалар мактабида санъат йўналишидаги тўгаракда устоз-мураббийларидан таълим олмоқдалар.
Ўқишда ҳам ўз фаоллигини кўрсатиб келаётган бу икки нафар ўқувчи мактабдошларига ўрнак бўлишмоқда.
– Уларга келгусида ҳам бутун имкониятларни ишга солиб, санъат сир-асрорларини ўргатишга тайёрман, – дейди “Баркамол авлод” болалар мактабида эстрада йўналишида таълим бераётган устозларидан бири Ш.Худойберганов.
Юртимизда иқтидорлилар сафи яна ҳам кенгаяверишини тилаб қоламиз.
Севара ИСМОИЛОВА, ҚДУ талабаси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
