Амударё туманида овқатдан заҳарланишнинг олдини олиш бўйича тарғибот ишлари кучайтирилмоқда
Юртимизда бозорлар, савдо мажмуаларида турли хил озиқ-овқат маҳсулотларини савдо қилинишига гувоҳ бўламиз. Савдога чиқарилаётган озиқ-овқат маҳсулотларини барчасини ҳам хавфсизлиги кафолатланган деб, бўлмайди.
Айрим фуқоролар сифати ва хавфсизлиги кафолотланмаган озиқ-овқат маҳсулотларини белгиланмаган жойларда, бозорларда аҳолига сотиш орқали тирикчилик қилишга ҳаракат қилади. Айниқса хонадон шароитида турли хил консерваларни тайёрлаб, савдога олиб чиқадилар. Бундай консерва маҳсулотларини истеъмол қилиш оқибатида аҳоли ўртасида овқатдан заҳарланиш – ботулизм касаллиги учраб туради.
Бунинг сабаби оддий – уй шароитида консерва маҳсулотлари тайёрлашда зарур технологик жараёнларга ҳамда санитария меъёрларига тўла риоя қилинмайди. Натижада консервага тушган ботулизм споралари тез ривожланади ва заҳарли токсинлар чиқаради. Ботулизм-ўткир юқумли овқатдан заҳарланиш касаллиги бўлиб ошқозон-ичак, марказий нерв сиситемаси, юрак қон томир системасини зарарлайди. Ботулизм касаллиги-уй шароитида тайёрланган помидор, бодринг ва бошқа консерва озиқ овқат маҳсулотларини истеъмол қилиш натижасида юзага келади.
Амударё тумани Санитария-эпидемиологик осойишталик ва жамоат саломатлиги бўлими мутахассислари тегишли давлат ва жамоат тузилмалари вакиллари билан ҳамкорликда бозорларда, савдо мажмуаларида, белгиланмаган жойларда уй шароитида таёрланган консерва маҳсулотлари сотилишининг олдини олиш ва озиқ-овқат маҳсулотлари хавфсизлигини таъминлаш мақсадида, мунтазам рейдлар ўтказиб келишмоқда. Таълим-тарбия муассасаларида ва жамоат жойларида фаолият юритаётган умумий овқатланиш шахобчаларида санитария-гигиена қоидаларига тўлиқ риоя этилишини таъминлаш доимий эътиборда.
Амударё тумани Санитария-эпидемиологик осойишталик ва жамоат саломатлиги бўлими ҳодимлари томонидан туманимиз ҳудудида жойлашган марказий деҳқон бозорлари, умумий овқатланиш, савдо шахобчалари, мактабгача таълим муассасаларида профилактик тадбирлар ўтказмоқда.
Ўтказилган тадбирлар давомида ишчи гуруҳ томонидан уй шаротида тайёрланиб, елим идишларда (баклашка) сақланаётган консерва маҳсулотлари сотилишининг олдини олиш мақсадида бундай маҳсулотларни сотувчилар огоҳлантирилмоқда. Шунингдек, бозорлар масъул ҳодимларига келгусида сифат сертификати бўлмаган ва уй шароитида тайёрланган консерва маҳсулотларини сотилишини олдини олиш бўйича кўрсатмалар берилмоқда.
Ботулизм споралари билан зарарланган консерва маҳсулотларининг ташқи кўриниши ва таъмида деярли ўзгариш кузатилмайди. Айрим ҳолатларда шиша идишнинг тунука қопқоғи шишади. Бундай маҳсулотни истеъмол қилган одамда заҳарланиш белгилари пайдо бўлиш жараёни икки соатдан саккиз-ўн кунгача чўзилади. Ҳолсизлик, кўнгил айниши, қайт қилиш, қорин соҳасида оғриқ пайдо бўлиши, жисмлар кўзига иккита бўлиб кўриниши, ютиш ва гапириш қобилиятини пасайиши, бўйин ва оёқ мушаклари заифлашиши касалликнинг клиник белгиларидир. Касалликни хонадон шароитида ўз билганича даволаш қатъиян ман этилади. Бундай вазиятда зудлик билан шифокорга мурожаат қилиш керак. Акс ҳолда, касалликнинг оғир ҳолати рўй бериши мумкин.
Аҳоли ўртасида овқатдан заҳарланиш ҳамда ботулизм касалликлари билан боғлиқ вазиятларнинг олдини олишга қаратилган профилактик тадбирлар давом эттирилмоқда.
Севара ИСМОИЛОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
