Amudaryo tumanida ovqatdan zaharlanishning oldini olish boʻyicha targʻibot ishlari kuchaytirilmoqda
Yurtimizda bozorlar, savdo majmualarida turli xil oziq-ovqat mahsulotlarini savdo qilinishiga guvoh boʻlamiz. Savdoga chiqarilayotgan oziq-ovqat mahsulotlarini barchasini ham xavfsizligi kafolatlangan deb, boʻlmaydi.
Ayrim fuqorolar sifati va xavfsizligi kafolotlanmagan oziq-ovqat mahsulotlarini belgilanmagan joylarda, bozorlarda aholiga sotish orqali tirikchilik qilishga harakat qiladi. Ayniqsa xonadon sharoitida turli xil konservalarni tayyorlab, savdoga olib chiqadilar. Bunday konserva mahsulotlarini isteʼmol qilish oqibatida aholi oʻrtasida ovqatdan zaharlanish – botulizm kasalligi uchrab turadi.
Buning sababi oddiy – uy sharoitida konserva mahsulotlari tayyorlashda zarur texnologik jarayonlarga hamda sanitariya meʼyorlariga toʻla rioya qilinmaydi. Natijada konservaga tushgan botulizm sporalari tez rivojlanadi va zaharli toksinlar chiqaradi. Botulizm-oʻtkir yuqumli ovqatdan zaharlanish kasalligi boʻlib oshqozon-ichak, markaziy nerv sisitemasi, yurak qon tomir sistemasini zararlaydi. Botulizm kasalligi-uy sharoitida tayyorlangan pomidor, bodring va boshqa konserva oziq ovqat mahsulotlarini isteʼmol qilish natijasida yuzaga keladi.
Amudaryo tumani Sanitariya-epidemiologik osoyishtalik va jamoat salomatligi boʻlimi mutaxassislari tegishli davlat va jamoat tuzilmalari vakillari bilan hamkorlikda bozorlarda, savdo majmualarida, belgilanmagan joylarda uy sharoitida tayorlangan konserva mahsulotlari sotilishining oldini olish va oziq-ovqat mahsulotlari xavfsizligini taʼminlash maqsadida, muntazam reydlar oʻtkazib kelishmoqda. Taʼlim-tarbiya muassasalarida va jamoat joylarida faoliyat yuritayotgan umumiy ovqatlanish shaxobchalarida sanitariya-gigiyena qoidalariga toʻliq rioya etilishini taʼminlash doimiy eʼtiborda.
Amudaryo tumani Sanitariya-epidemiologik osoyishtalik va jamoat salomatligi boʻlimi hodimlari tomonidan tumanimiz hududida joylashgan markaziy dehqon bozorlari, umumiy ovqatlanish, savdo shaxobchalari, maktabgacha taʼlim muassasalarida profilaktik tadbirlar oʻtkazmoqda.
Oʻtkazilgan tadbirlar davomida ishchi guruh tomonidan uy sharotida tayyorlanib, yelim idishlarda (baklashka) saqlanayotgan konserva mahsulotlari sotilishining oldini olish maqsadida bunday mahsulotlarni sotuvchilar ogohlantirilmoqda. Shuningdek, bozorlar masʼul hodimlariga kelgusida sifat sertifikati boʻlmagan va uy sharoitida tayyorlangan konserva mahsulotlarini sotilishini oldini olish boʻyicha koʻrsatmalar berilmoqda.
Botulizm sporalari bilan zararlangan konserva mahsulotlarining tashqi koʻrinishi va taʼmida deyarli oʻzgarish kuzatilmaydi. Ayrim holatlarda shisha idishning tunuka qopqogʻi shishadi. Bunday mahsulotni isteʼmol qilgan odamda zaharlanish belgilari paydo boʻlish jarayoni ikki soatdan sakkiz-oʻn kungacha choʻziladi. Holsizlik, koʻngil aynishi, qayt qilish, qorin sohasida ogʻriq paydo boʻlishi, jismlar koʻziga ikkita boʻlib koʻrinishi, yutish va gapirish qobiliyatini pasayishi, boʻyin va oyoq mushaklari zaiflashishi kasallikning klinik belgilaridir. Kasallikni xonadon sharoitida oʻz bilganicha davolash qatʼiyan man etiladi. Bunday vaziyatda zudlik bilan shifokorga murojaat qilish kerak. Aks holda, kasallikning ogʻir holati roʻy berishi mumkin.
Aholi oʻrtasida ovqatdan zaharlanish hamda botulizm kasalliklari bilan bogʻliq vaziyatlarning oldini olishga qaratilgan profilaktik tadbirlar davom ettirilmoqda.
Sevara ISMOILOVA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
