Амударё туманидаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси самарали фаолият юритмоқда

Сўнги йилларда мамлакатимизда тадбиркорларнинг ҳуқуқлари ва қонуний манфаатларини ҳимоя қилиш борасида кенг кўламли ишлар амалга оширилиб, тадбиркорлар учун кўплаб имкониятлар яратилмоқда.

Ўзбекистон Республикаси Президентининг 2019 йил 14 майдаги “Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари тўғрисида”ги фармонига биноан туманимизда Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси ташкил этилиб, тадбиркорлик субъектларининг мурожаатларини қабул қилиш, уларнинг ҳуқуқлари ва қонуний манфаатларига риоя қилинишини таъминлаш, тадбиркорликни ривожлантиришга тўсқинлик қилаётган муаммоли масалаларни кўриб чиқиш ва мавжуд тўсиқларни бартараф этиш бўйича тизимли ишлар олиб борилмоқда.

Жорий йилнинг шу даврига қадар Амударё туманидаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси самарали фаолият юритиб келмоқда.

Ўзбекистон Республикаси Президентининг “Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари  тўғрисида”ги Фармони ижросини таъминлаш мақсадида қабулхона  фаолияти тўғри ташкил этилиб, аниқланган муаммоларни таҳлил қилиш ҳамда уларни ҳал этиш бўйича тизимли ишлар қилинмоқда.

Шу мақсадда тумандаги қатор муассасаларнинг вакилларидан иборат ишчи гуруҳи ваколатли органлар вакиллари, қабулхона ҳузурида ташкил этилган тумандаги фаол тадбиркорлар, ҳуқуқшунослар ва тадбиркорларнинг бошқа вакилларидан иборат Тадбиркорлар жамоатчилик кенгаши билан ҳамкорликдаги ишлар олиб борилди.

Хусусан, жорий йилнинг 1 июль санасига қадар қабулхона томонидан ҳудудларда 26 та сайёр қабуллар ташкил этилди. Ташкил этилган сайёр қабуллар ҳамда ўтказилган суҳбатлар давомида тумандаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси томонидан жами  106 та масала бўйича 104 та мурожаатлар рўйхатга олинган. Рўйхатга олинган 104 мурожаатлардаги 106 та масалалардан 62 таси, яъни 58 фоизи қаноатлантирилган, 44 тасига тушунтиришлар берилган.

Мазкур мурожаатларнинг 53 таси, яъни 50 фоизи кредит масаласида, шундан “Ҳар бир оила тадбиркор” дастури бўйича 41 та, тадбиркорлик фаолиятига кредит олиш учун 12 та мурожаат келиб тушган бўлиб, уларнинг 34 таси қаноатлантирилган, 19 тасига тушунтириш берилган.

Амударё туманидаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонасига келиб тушаётган мурожаатлар қабулхона ҳузуридаги тадбиркорларнинг жамоатчилик кенгаши томонидан мунтазам равишда таҳлил қилиниб, туманда кичик бизнес ва тадбиркорликни ривожлантиришга тўсиқ ва ғов бўлаётган муаммоларни бартараф этиш борасида амалий ишлар қилинмоқда.

Таъкидлаш керакки, давлатимиз раҳбари ташаббуси билан оғир синовли кунларда, яъни коронавирус пандемияси барча соҳалар ривожига ўзининг зарарли таъсирини ўтказаётган даврда тадбиркорлик ва ишбилармонлик ҳар томонлама қўллаб-қувватланмоқда. Оғир эпидемиологик шароитда тадбиркорлар фаолиятларини давом эттиришлари учун қатор имтиёзлар, имкониятлар яратилди.

Кичик бизнес ва хусусий тадбиркорлик иқтисодиётнинг ўсиш нуқталаридан эканлигини инобатга олган ҳолда пандемия шароитида ҳам иқтисодиётнинг барқарор ишлашига тадбрикорлар ва ишбилармонлар ўзларининг муносиб ҳиссаларини қўшиб келмоқдалар.

Шунингдек, мураккаб синовларга қарамай, давлатимиз раҳбари бошчилигида бизнесни қўллаб-қувватлаш, тадбиркорлар ва ишбилармонлар сонини кўпайтириш, янги иш ўринларини яратиш учун тизимли чора-тадбирлар кўрилди, етарли ресурслар ажратилди, зарур шароитлар яратилди.

Жорий йилда ҳам тадбиркорлик ва кичик бизнесни ривожлантириш бўйича янада кенг имкониятлар яратилиб, пандемия даврида муаммоларга дуч келган тадбиркорларнинг ўз фаолиятларини тиклаб олишлари учун уларга кўмак бериш изчил давом эттирилмоқда.

М.Уразбаев, Тадбиркорларнинг жамоатчилик кенгаши котиби.