Жайхун илҳомлари

Бешта муҳим ташаббус

Бешта муҳим ташаббус,

Ҳаммамизни уйғотди.

Мудраётган ёшларни,

Ҳушёрликка ўргатди.

 

Аёллар фаоллигин,

Қизларимиз ишончин.

Умидларин уйғотди,

Режаларин ўзгартди.

 

Спортдаги ютуқлар,

Қўша-қўша совринлар.

Ютуқларимиз – бахтимиз,

Ёшлар келажагимиз.

 

Давлат сиёсатида,

Аёллар муаммоси.

Ишсизликка чек қўяр,

Беш ташаббус ғояси.

 

Ғафлат босма ёшларни,

Юракдан ишлаш керак.

Маънавият оламин,

Ўқиб бойитиш керак.

Зуҳра АҲМЕДОВА.

 

Инжиқ япроқча

Ўзбекистон аталмиш,

Юрт бор экан дунёда.

Унинг боғ-у роғлари,

Гўзалликда зиёда.

 

Қаранг, куз боғларида,

Япроқчалар тўкилар.

Инжиқ шамолларида,

Бир-бири-ла сўзлашар.

 

Дарахтлардан япроқлар,

Чирт-чирт узилиб тушди.

Лекин бир инжиқ япроқ

Шохларни маҳкам тутди.

 

Дўстлари унга айтар:

“Юр, биз билан кет сен ҳам,

Ҳозир қолсанг бу ерда,

Музлаб қоласан жуда.

 

Эрта баҳор фаслида,

Биз зўр ўғит бўламиз.

Дарахтга жон бағишлаб,

Куртак бўлиб унамиз”.

 

Баҳор фасли келганда,

Яна соғлом ўсди боғ.

Озиқланиб хазондан,

Чаманзорга дўнди боғ.

 

Япроқча эса карахт,

Қишни дарахтда кутди.

Қаттиқ шамол бўлди-ю,

Уни учириб кетди.

 

Ана кўрдингизларми,

Инжиқнинг аҳволини.

Кўрсам инжиқ болани,

Ўйлайман барг ҳолини.

Ёрқиной КЕНЖАБОЕВА, 11-мактаб ўқувчиси.

 

Синфдошлар

Синфимиз жуда аҳил,

Барчанинг билими ҳар хил.

Билимдон-у биларвой,

Синфимиз дўстликка бой.

 

Иложи бўлса биз ҳам,

Урушиб ҳеч юрмаймиз.

Бир-биримиз ёмонлаб,

Номларини сотмаймиз.

 

Йигитлар-у қизларжон,

Бир-бири билан иноқ.

Ҳар куни, ҳар дарсда,

Бари ақлли, қувноқ.

 

Синфдошлар жуда шўх,

Бири доктор бўлмоқчи.

Қизларни қилсак сўроқ,

Дизайнерликка хумор.

Айнура ТУРСУНБОЕВА,

55-сонли мактаб ўқувчиси.

 

Туйғулар

Қиш келганда қишга ошиқмиз,

Қор ёғса-ку телба бўламиз.

Баҳор келса баҳорни севиб,

Гул ифорин қўмсаб қоламиз.

 

Зум ўтмасдан хиёнат айлаб

Ёзни қучоқ очиб кутамиз.

Гўзал деймиз саёҳат, таътил,

Денгизлардан балиқ тутамиз...

 

Бир фасл бор, куз унинг номи,

Хазон босар изларимизни.

Қувонтириб келади аммо

Ёшлаб кетар кўзларимизни...

 

Қиш келади киприк қоққунча,

Ҳамма нарса ўткинчи гўё.

Фаслларнинг бари бевафо –

Одамларнинг севгиси рўё.

Комронбек Камол.

 

ВАТАН УЧУН

Ватанимнинг ишқида мен,

Бедор бўлдим, бедор бўлдим.

Заррача фойдам тегмаса,

Бемор бўлдим, бемор бўлдим.

 

Гар Ватанни унутсам,

Беор бўлдим, беор бўлдим.

Инсофи йўқ инсонлардан,

Безор бўлдим, безор бўлдим.

 

Керак бўлса Ватан учун,

Сарсон бўлдим, сарсон бўлдим.

Юртим учун керакли бир –

Инсон бўлдим, инсон бўлдим.

Барно САМАНДАРОВА,

35-сонли мактаб ўқувчиси.

 

Устозлар ва тиллар

Ўрганаман эринмай,

Ўзбек тили ўз тилим.

Гулжаҳон устоз нурдай,

Ёритар гўё йўлим.

 

Кўнгил қўйсам барига –

Қорақалпоқ тилига,

Қамажай устоз гўзал –

Сўзлар қозоқ тилида.

 

Қозоқ, ўзбек, рус тили,

Қорақалпоқ белгили.

Меҳримизни уйғотар,

Инглиз ва немис  тили.

 

Тилларни ўрганамиз,

Ва дунёни таниймиз.

Асем Маратова,

24-сонли мактаб ўқувчиси.

 

Осмон гўзал

Осмон кўм-кўк. Булутлар учар,

Учиб, сайраб юради қушлар.

Қуёш эса дунёни ёритар,

Нурлар билан осмон гўзал.

 

Олтин балиқ

Олтин каби ярақлаб,

Балиқча сувда сузар,

Қандай тилагинг бўлса,

Дарров бажо келтирар.

Элёр РАҲИМОВ,

30-сонли мактаб ўқувчиси.

 

Менинг онам

Менинг онам меҳрибон,

Дунё ичра ягона.

Бахтимизга умрингиз,

Бўлсин доим зиёда.

 

Она азиз, мўътабар,

Фарзандларим деб яшар.

Сўнмас меҳрин ҳар қачон

Қилар бизга армуғон.

Севинч Отаниёзова,

30-сонли мактаб ўқувчиси.